काठमाण्डौं । ग्रीन डेभलपमेण्ट बैंकले सर्वसाधारणका लागि निष्काशन गरेको साधारण सेयर बाँडफाँड भएको छ । सेयर निष्काशन तथा बिक्रि प्रबन्धक एनआइबिएल क्यापिटलमा आज बुधबार ४ लाख १८ हजार ५ सय कित्ता सेयर बाँडफाँड गरिएको हो ।
कम्पनीका अनुसार, ९ सय कित्तासम्म सेयर माग्नेलाई गोलाप्रथाबाट सेयर दिइएको छ भने त्यस भन्दा माथिका आवेदकले १० दशमलव ५ प्रतिशत सेयर पाएका छन् ।
बैंकले चुक्ता पूँजी १० करोड रुपैंया पुर्याउनका लागि ४ करोड ५० लाख रुपैंयाको सेयर निष्काशन गरेकोमा ४ अर्ब १७ करोड रुपैंयाको आवेदन परेको थियो । संस्थागत लगानीकर्ता र कर्मचारीलाई छुट्याएको ३१ हजार ५ सय कित्ता सेयर बाहेक सर्वसाधारणका लागि ४ लाख १८ हजार ५ सय कित्ता सेयर निष्काशन भएको थियो ।
२९ असार २०७३, १।००
वि.सं.२०७३ असार २९ बुधवार १४:०५ मा प्रकाशित