काठमाण्डौं । नेपाल क्रेडिट एण्ड कमर्स (एनसीसी) बैंक लिमीटेडको सिद्धार्थनगर भैरहवामा हिजो बुधवार सम्पन्न विशेष साधारणसभाले कुमारी बैंक, इन्फ्रास्ट्रक्चर डेभलपमेण्ट बैंक, इण्टरनेशनल डेभलपमेण्ट बैंक, एपेक्स डेभलपमेण्ट बैंक र सुप्रिम डेभलपमेण्ट बैंक लिमीटेडबीच गाभ्ने र गाभिने सम्बन्धी प्रस्ताव पारित गरेको छ ।
आज बैंकले एक विज्ञप्ति जारी गर्दै यस बारेमा जानकारी दिएको हो । बैंक संचालक तथा व्यवस्थापन समितिका संयोजक लक्ष्मीप्रपन्न निरौलाको सभापतित्वमा सम्पन्न सभाले यसका लागि बैंकको संचालक/व्यवस्थापन समितिलाई अख्तियारी प्रदान गर्ने निर्णय समेत गरेको बताइएकोछ ।
विज्ञप्तिमा मर्जरपछि बन्ने संस्थामा एनसीसी बैंकको प्रबन्धपत्र तथा नियमावली लागु हुने भएकोले सोही अनुसार प्रवन्ध पत्र तथा नियमावलीमा प्रस्तावित संशोधन समेत पारित गरेको उल्लेख छ ।
३० असार २०७३, २।००
वि.सं.२०७३ असार ३० बिहीवार १४:०० मा प्रकाशित
