काठमाण्डौं । दुग्ध विकास संस्थान (डिडिसी)ले साउन १ गतेदेखि बजारमा दुई किसिमका नयाँ उत्पादन ल्याउने भएको छ। हिजो बिहीबर एक कार्यक्रमको आयोजना गरी नयाँ उत्पादन ‘डिडिसी स्पेसल टि मिल्क’ ल्याउन लागेको जानकारी दिएको हो।
बजारमा अनुसन्धान गरी पसलहरुको चाहनाअनुसार यो दूध बजारमा ल्याउन लागेको दुग्ध विकास संस्थानका उपमहाप्रबन्धक इश्वरी प्रसाद अधिकारीले बताए। अरु सामान्य दूधमा चिल्लो पदार्थको मात्रा तीन प्रतिशत रहेको हुन्छ भने आउन लागेको नयाँ दूधमा १.५ प्रतिशत मात्र चिल्लो पदार्थ रहनेछ। साथै यो दूध बाक्लो हुनेछ जसका कारण धेरैकप चिया बनाउन सकिने अधिकारीले जानकारी दिए ।
यस्तो दूध चिया र कफी लागि उपयुक्त हुने र स्वाद पनि मिठो हुन्छ। बजारमा अहिले बिक्री भइरहेको दूधको मूल्य ६४ रुपैंया प्रतिलिटर रहेको छ भने यो दूध ६० रुपैंया प्रतिलिटरमा पाइने छ ।
३१ असार २०७३, ११।००
वि.सं.२०७३ असार ३१ शुक्रवार ११:१७ मा प्रकाशित
