काठमाण्डौं । नेकपा माओवादी केन्द्रको आज बिहान बसेको बैठकले बजेटसँग आश्रित विधेयकहरु पास गर्न नदिने निर्णय गरेको छ। अविश्वासको प्रस्ताव संसदमा पेश भइसकेको अवस्थामा अन्य विधेयक पारित गर्न नमिल्ने भन्दै उनीहरुले यस्तो निर्णय गरेका हुन् ।
बुधबारको संसद बैठकमा पनि कांग्रेस र माओवादी केन्द्रले विधेयकको प्रक्रिया अगाडि नबढाउन आग्रह गरेका थिए। एमाले र राप्रपा नेपाल लगायतले संसद सुरु गर्न पटक–पटक आग्रह गर्दा पनि सभामुख ओनसरी घर्तीले छलफल गर्ने भन्दै संसद बैठक नराख्दा समय गुज्रिएको थियो।
बजेटसँग सम्बन्धित आर्थिक विधेयक २०७३, राष्ट्र ऋण उठाउने विधेयक २०७३ र ऋण तथा जमानत एक्काइसौँ संशोधन विधेयक २०७३ पारित गर्न बाँकी रहेको छ।
३१ असार २०७३, १२।००
वि.सं.२०७३ असार ३१ शुक्रवार १२:३५ मा प्रकाशित