काठमाण्डौं । साताको पहिलो दिन आज आइतबार स्थानीय बजारमा सुनको भाउ ५ सयले बढ्न पुगेकोछ । आज सुनको मूल्य ५८ हजार ८ सय पुगेको छ । यसअघि शुक्रवार सुन तोलाको ५८ हजार ३ सयमा कारोवार भएको थियो ।
गत साता भरी घट्ने क्रममा भएको सुनको भाउ यो साताको पहिलो दिन नै भारी मात्रामा बढ्न पुगेको हो ।
आइतवार चाँदीको भाउमा पनि सामान्य बृद्धि भएको छ । आज चाँदीको भाउ प्रतितोला ९ सय १० रुपैयाँ तोकिएको नेपाल सुनचाँदी व्यवसायी महासंघले जानकारी दिएको छ । शुक्रवार चाँदी तोलाको ९ सय ५ रुपैयाँमा कारोबार भएको थियो ।
वि.सं.२०७३ साउन २ आइतवार १३:३१ मा प्रकाशित