काठमाण्डौं । स्ट्याण्डर्ड चार्टर्ड बैंक नेपाल ‘युरोमनि अवार्ड २०१६’बाट सम्मानित भएको छ । विश्वभरी ख्याती कमाउन सफल युरो म्यागाजिनले दिने यो अवार्ड वित्तीय क्षेत्रमा निकै सम्मानित मानिन्छ । बैंकले शुक्रबार यो अवार्ड पाएको हो ।
युरोमनिले बैंकको गुणस्तरीय सेवा, सिर्जनात्मक र ग्राहक प्रतिको विशेषज्ञताका लागि यो अवार्ड प्रदान गरेको हो । बैंकले कठिन परिस्थितिका बावजुद पनि आफ्नो सेवालाई विस्तार गरेको थियो भने डिजिटल एजेण्डा र व्यापार पनि बढाएको थियो ।
आज एक विज्ञप्ति जारी गरेर स्ट्याण्डर्ड चार्टर्ड बैंक नेपालले विज्ञप्ति यो अवार्ड प्राप्त गरेको जानकारी सार्वजनिक गरेको हो । यस अघि यो बैंकले बैंक अफ दि इयर, दि बेस्ट इमर्जिङ माकेट्स बैंक जस्ता अवार्ड प्राप्त गरिसकेको छ ।
२ साउन २०७३, १।३०
वि.सं.२०७३ साउन २ आइतवार १४:४६ मा प्रकाशित