काठमाडौ । स्वास्थ्य सेवा विभागमा विभिन्न सामग्रीको लिलामीबाट करिब चार लाख रुपैंया आम्दानी भएको छ ।
विभागको आपूर्ति व्यवस्थापन महाशाखाले लामो समय देखि काम नलाग्ने अवस्थामा पुगेका कम्प्युटर, प्रिन्टर, फ्रिज, यूपिएस, फर्निचर लगायतका सामग्रीको लिलामीबाट गत आर्थिक वषमा तीन लाख ९९ हजार ९ सय रुपैंया राजस्व सङ्कलन गरेको हो ।
महाशाखाले विभागमा प्रयोगविहीन भएका, बिग्रिएका र काम नलाग्ने भएका कार्यालय सामग्रीको २०७३ साल जेठ १३ गते निकालिएको पहिलो सूचनाअनुसार सामग्री लिलामी गरेको हो ।
विभागको कार्यालय सामग्री लिलामी भए पनि मोटरगाडी लिलामीको भने कुनै निवेदन परेको छैन । मोटरगाडीको
लिलामीका लागि महाशाखाले पुनः सात दिनको सूचना निकालेको जनाएको छ । विभागमा अहिले पाँच थान मोटर र चार थान मोटरसाइकल लिलामी गर्नुपर्ने अवस्थामा छन् । यसको लिलामीबाट करिब साँढे नौ लाख आम्दानी गर्न सकिने अनुमान स्टोर शाखाको छ ।
प्रकाशित मिति ः २०७३ साउन २
वि.सं.२०७३ साउन २ आइतवार १९:२० मा प्रकाशित