काठमाडौ । मौद्रिक नीति सार्वजनिक भएपछिको पहिलो कारोबार दिन नेप्से परिसूचक २७ अङ्कले वृद्धि भई एक हजार ७ सय ४५ अंकमा पुगेको छ ।
दैनिक तीन घन्टा मात्रै कारोबार हुँदै आएको बजार नयाँ आर्थिक वर्षदेखि अर्थात् आइतबारदेखि एक घन्टा थप गरी चार घन्टा बनाइएको छ । बिहान ११ बजेदेखि सुरु भएको बजार सदा झै ३ बजे बन्द हुँदा कुल २२ लाख ७२ हजार ४५ कित्ता सेयर बिक्री भएको छ ।
आर्यतबार विभिन्न चार समूहको सेयरमूल्य उकालो लागेको छ भने अन्य चारवटै समूहको सेयर भने ओरालो लाग्यो । आईतबार बैैंकिङ समूह ४९.९७ अर्थात ३.१८ प्रतिशतले बढ्यो । फाइनान्स ५.९२, उत्पादन समूह ४०.४४ र अन्य समूहको सेयर २४.८६ अंकले बढ्यो । होटल, विकास बैंक, जलविद्युत् र बिमा समूहको सेयर ओरालो लाग्यो ।
एक घन्टा कारोबारको समय बढाइएको भए पनि बजारमा आज खासै प्रभाव नपरेको स्टक एक्चेञ्जले जनाएको छ ।
कुल १३६ कम्पनीका एक अर्ब ३६ करोड २८ लाख २८ हजार ४ सय ६९ रुपैंया बराबरको कारोबार भएको नेपाल स्टक एक्सचेन्जले जनाएको छ ।
प्रकाशित मिति ः २०७३ साउन २
वि.सं.२०७३ साउन २ आइतवार १९:४७ मा प्रकाशित
