काठमाण्डौं । मनास्लु विकास बैंकले यही साउन २३ गते देखि हकप्रद सेयर भर्न पाउने गरी नौ लाख १७ हजार ६४७ कित्ता सेयर निष्कासन गर्ने भएकोछ ।
बैंकले दुई बराबर एक (२ः१) का दरले हकप्रद सेयर निश्कासन गर्न लागेको हो । बैंकले साउन २३ गतेदेखि विक्री खुल्ला हुने र भदौ २६ गतेसम्म आवेदन लिने जानकारी पनि बैंकले दिएको छ । लगानीकर्ताले प्रभु क्यापिटल लिमिटेडको कमलादीस्थित कार्यालय र मनास्लु विकास बैंकका कार्यालयहरुमा आवेदन बुझाउन सक्नेछन् ।
तीन जिल्ला गोरखा, चितवन र तनहुँ कार्यक्षेत्र भएको यो विकास बैंकको हाल १८ करोड ३५ लाख २९ हजार पाँच सय रुपैयाँ चुक्ता पुँजी छ । हकप्रद निष्कासन पछि यो विकास बैंकको चुक्ता पुँजी २७ करोड ५२ लख ९४ हजार रुपैयाँ पुग्छ ।
४ साउन २०७३, ११।००
वि.सं.२०७३ साउन ४ मंगलवार ११:२९ मा प्रकाशित
