वासिङ्टन डिसी । अमेरिकाको रिपब्लिकन पार्टीका राष्ट्रपति उम्मेद्वार डोनाल्ड ट्रम्पकी पत्नी मेलानियामाथि भाषण चोरी गरेको आरोप लागेको छ। उनले राष्ट्रपति बाराक ओबामा पत्नी मिचेल ओबामाले ८ वर्षअघि अर्थात् सन् २००८ मा दिएको भाषणबाट केही वाक्य चोरी गरेको पाइएकोछ ।
सिएनएनका अनुसार, रिपब्लिकन पार्टीको राष्ट्रिय सम्मेलनमा मेलानियाले सोमबार आफ्नो मन्तव्य राखेकी थिइन्। उनका केही वाक्य मिचेलले सन् २००८ मा डेमोक्र्याटीक पार्टीको राष्ट्रिय सम्मेलनमा राखेको मनतव्यसँग दुरुस्तै मिलेको थियो । मेलानियाको मन्तव्य ट्रम्पको चुनावी अभियानमा संलग्न केही व्यक्तिहरूको सुझावमा तयार गरेर सम्पादन समेत भएको बताइएको छ।
चोरीको आरोप लागेपछि ुट्रम्प अभियानुले विज्ञप्ति जारी गर्दै उनको बचाउ गर्ने कोशीश गरेको छ। मेलानियाले आफ्नो नोटबुकमा आफूलाई घत परेका कुराहरू टिपेको र त्यसलाई भाषणमा प्रयोग गरेको दाबी उनीहरूको छ।
४ साउन २०७३, २।१०
वि.सं.२०७३ साउन ४ मंगलवार १४:१० मा प्रकाशित
