काठमाण्डौं । बेलायतको लर्ड्स क्रिकेट मैदान भएको खेलमा नेपालले मेरिलेबोन क्रिकेट क्लब एमसीसीलाई ४१ रनले पराजित गरेको छ। टस जितेर पहिले ब्याटिङ गरेको नेपालले पुरै ५० ओभर खेल्दै ८ विकेट गुमाएर २ सय १७ रन बनाएको थियो।
जवाफमा ४७।२ ओभरमा एमसिसी १७६ रनमै समेटियो। क्रिकेटको घर र क्रिकेटको मक्का भनेर चिनिने लर्डस मैदानमा खेल्ने नेपालको राष्ट्रिय टिम पहिलो एसोसिएट टिमको रेकर्ड पनि राखेको छ ।
योसँगै नेपालले अभ्यास खेलसहित इंग्ल्यान्ड टुरका सबै चार खेलमा लगातार विजय हासिल गरेको छ।
५ साउन २०७३, ९।००
वि.सं.२०७३ साउन ५ बुधवार ११:३७ मा प्रकाशित
