काठमाण्डौं । नेपाल धितोपत्र बोर्डले प्राइम कमर्सियल बैंकलाई तीन बराबर एक ९३ः१०का दरले र सेञ्चुरी कमर्सियल बैंकलाई ३० प्रतिशतका दरले हकप्रद निस्कासनको अनुमति दिएकोछ । बैंक स्रोतले जनाए अनुसार यी दूई बैंकले केही समयमै हकप्रद जारी गर्ने छन् ।
प्राईमले एक अर्ब २३ करोड ५० लाख रुपैयाँ बराबरको १ करोड २३ लाख ५० हजार ८ सय ७४ कित्ता हकप्रद सेयर जारी गर्नेछ । बैंकको हाल चुक्तापुँजी तीन अर्ब ७० करोड रुपैयाँ छ । हकप्रद जारी गरेपछि यस्तो चुक्तापुँजी चार अर्ब ९४ करोड रुपैयाँ पुग्छ ।
त्यस्तै, सेञ्चुरी कमर्सियल बैंकले ८५ करोड २२ लाख ४० हजार रुपैयाँ बराबरको ८५ लाख २२ हजार ४ सय कित्ता हकप्रद निष्काशन गर्न लागेको हो । हकप्रद पश्चात बैंकको चुक्तापूँजी ३ अर्ब ७० करोड रुपैयाँ पुग्नेछ । हाल सेञ्चुरी बैंकको २ अर्ब ८४ करोड रुपैयाँ चुक्तापूँजी रहेको छ ।
नेपाल राष्ट्र बैंकले २०७४ साल असार मसान्त सम्म बाणिज्य बैंकको चुक्ता पुँजी आठ अर्ब रुपैयाँ बनाउनु पर्ने व्यवस्था गरेको छ । यही व्यवस्था अनुसार बैंक तथा वित्तीय सस्थाहरु अहिले धमाधम पुँजी बृद्धिको अभियानमा छन् ।
७ साउन २०७३, १०.००
वि.सं.२०७३ साउन ७ शुक्रवार ११:२० मा प्रकाशित
