काठमाडौं । मेगा बैंकले सेयरधनीलाई चुक्ता पुँजीको २५ प्रतिशत हकप्रद सेयर दिने भएको छ । यसका लागि औपचारिक प्रक्रिया अघि बढिसकेको बैंकले जनाएको छ । बैंकले सातौं वर्षमा प्रवेस गरेको अवसरमा चुक्ता पुँजी बढाउनका लागि हकप्रद सेयर दिने घोषणा गरेको हो ।
बैंकका प्रमुख कार्यकारी अधिकृत अलि शाहले राष्ट्र बैंकको नियमअनुसार संस्थापक सेयरलाई साधारण सेयरमा रुपान्तरण गरिसकेको जानकारी दिए । योसँगै लगानीकर्ताहरुको लगानी गर्ने क्षमता अभिवृद्धि गरेको उनले बताए ।
त्यसैगरी, बैंकलाई देशकै अग्रणी बैंकका रुपमा उभ्याउन मर्जर र एक्वायरलाई प्राथमिकता दिइने भएको छ । मर्जर बाहेक हकप्रद सेयर जारी गरेर राष्ट्र बैंकले तोकेको समयमा तोकेको चुक्ता पुँजी पुर्याउने योजना रहेको बैंकका अध्यक्ष भोजराज शाहले बताए ।
राष्ट्र बैंकले गत आर्थिक वर्षको मौद्रिक नीतिमार्फत ०७४ असार मसान्तसम्ममा वाणिज्य बैंकहरुको न्यूनतम चुक्ता पुँजी ८ अर्ब रुपैयाँ हुनुपर्ने व्यवस्था गरेको थियो । हाल बैंकको चुक्ता पुँजी २ अर्ब ८४ करोड रुपैयाँ छ । बैंकले राष्ट्र बैंकले तोकेको समयमा चुक्ता पूँजी पुर्याउन मर्जर वा एक्वायरमा जानुपर्ने देखिन्छ ।
प्रकाशितः २०७३ साउन ८
वि.सं.२०७३ साउन ८ शनिवार १०:०० मा प्रकाशित
