काठमाडौं । काठमाडौं । नेपाल धितोपत्र बोर्डले ओभर द काउन्टर बजार (ओटीसी) कारोवारको सेवा शुल्कमा भारी गिरावट गरेको छ । बोर्डले ओटीसी बजारको सेवाशुल्क ९० प्रतिशतसम्म घटाएको छ ।
नयाँ व्यवस्था अनुसार २५ हजार रुपैयाँसम्मको कारोबारमा नेप्सेलाई ०.२० प्रतिसत मात्रै बुझाउनु पर्नेछ । यस अघि यस्तो शुल्क दुई प्रतिसत लाग्ने गरेको थियो । यसमा कुल ९० प्रतिसत शुल्क घटेको हो ।
त्यस्तै २५ हजार एक रुपैयाँ देखि ५० हजार रुपैयाँसम्मको कारोबारमा ०।१८ प्रतिसत शुल्क लाग्नेछ । यो कारोबारमा ८८ प्रतिसत शुल्क घटाइएको हो । त्यस्तै ५० हजार एक देखि माथिको कारोबारमा ०।१५ प्रतिसत शुल्क लाग्ने छ । यो कारोबारमा ८५ प्रतिसत शुल्क घटाइएको जानकारी पनि बोर्डले दिएको छ ।
केही समय अघि बोर्डले कम्पनी रिजष्ट्रारको कार्यालयलाई उक्त कार्यालयमा दर्ता भएका तर सुचिकरण नभएका पब्लिक कम्पनीको धितोपत्र कारोवार हुने व्यवस्था मिलाउन पत्राचार गरेको थियो । सोही अनुरुप हाल बोर्डले ओटीसी बजारलाई अघि बढाइरहेको छ ।
प्रकाशितः २०७३ साउन ८
वि.सं.२०७३ साउन ८ शनिवार १२:०८ मा प्रकाशित