back
mega bank Ad
Hero Ad

बिदेश जानेको संख्या घटयो, कारण के ?

काठमाडौ । गत आर्थिक वर्ष २०७२/०७३ मा वैदेशिक रोजगारीमा जाने नेपालीको सङ्ख्या उल्लेख्यमात्रमा घटेको छ । उक्त अबधिमा अघिल्लो आ.व. भन्दा ९४ हजार १ सय ७४ कम नेपाली बिदेसिएका छन् ।

वैदेशिक रोजगार विभागका अनुसार आ.व. २०७१/७२ मा पाँच लाख १२ हजार ८ सय ८७ जना वैदेशिक रोजगारीमा गएकामा गत आ.व.मा सो सङ्ख्या घटेर चार लाख १८ हजार ७ सय १३ पुगेको छ । यो अघिल्लो वर्षभन्दा १८ प्रतिशतले कम हो ।

विभागका प्रवक्ता मोहन अधिकारीका अनुसार भूकम्पपछि पुनःनिर्माणका लागि स्वदेशमै अवसर हुनु, नाकाबन्दी, मलेसियाको आकर्षण घट्नु, निःशुल्क टिकट र प्रवेशाज्ञा पछि व्यवसायीको आन्दोलन लगायतका कारण बिदेशिने नेपालीको संख्या घटेको छ ।

गत आव २०७२/७३मा सबैभन्दा बढी साउदी अरबमा नेपाली रोजगारीमा गएका छन् जसअनुसार साउदी अरबमा एक लाख ३८ हजार ५२९, कतारमा एक लाख २९ हजार ३८, मलेसियामा ६० हजार ९७९, संयुक्त अरब इमिरेट्स (दुबई) ५२ हजार ७९३ र दक्षिण कोरियामा सात हजार ४३२ जना वैदेशिक रोजगारीमा गएका छन् । तीमध्ये पुरुष तीन लाख ९९ हजार ४०६ र महिला १९ हजार ३०७ जना रहेका छन् ।

त्यसअघिको आव २०७१÷७२मा मलेसियामा दुई लाख दुई हजार ८२८, कतारमा एक लाख २४ हजार ३६८, साउदी अरब ९८ हजार २४६, दुबई ५३ हजार ६९९ र कुबेतमा नौ हजार ६६८ जना वैदेशिक रोजगारीमा गएका थिए । तीमध्ये पुरुष चार लाख ९० हजार ८५९ र महिला २२ हजार २८ जना छन् ।
अघिल्ला वर्षहरुमा कामदारको पहिलो रोजाइ बन्ने गरेको मलेसिया गएको वर्ष तेस्रो रोजाइमा झ¥यो ।

मलेसियाको सम्बन्धमा बायोमेट्रिक प्रणाली, भिएलएन, माइग्रामजस्ता नाममा कामदारबाट बढी रकम असुलिएका कारण कामदार घटेको बताइएको छ ।

बङ्गलादेशी नागरिकहरुले नेपालीको नाममा सामाजिक सञ्जालमार्फत मलेसियाको सम्बन्धमा नकारात्मक प्रचार गरेका कारण पनि त्यहाँ जाने नेपाली घटेको बताइन्छ ।

२०७२ वैशाख १२ को भूकम्प, सोही वर्ष असार २१ गतेदेखि सरकारले लागू गरेको निःशुल्क टिकट र प्रवेशाज्ञाको व्यवस्थाजस्ता कारण बिदेसिने नेपालीको सङ्ख्या घटेपछि यसले नेपालमा भित्रिने विप्रेषण घट्ने र अर्थतन्त्र कमजोर बन्ने अनुमान गरिएकोे छ ।

प्रकाशित मिति ः २०७३ साउन ८

वि.सं.२०७३ साउन ८ शनिवार २१:१८ मा प्रकाशित

You can share this post!

यस्तो छ आजको विदेशी मुद्राको विनिमय दर

यस्तो छ आजको विदेशी मुद्राको विनिमय दर

वि.सं.२०७९ मंसिर १७ शनिवार ११:११

काठमाडौं । नेपाल राष्ट्र बैंकले शनिबार  को विदेशी मुद्राको विनिमय...

आज थप दुई कम्पनीको लाभांश घोषणा, कुनको बोनस र नगद कति ?

आज थप दुई कम्पनीको लाभांश घोषणा, कुनको बोनस र नगद कति ?

वि.सं.२०७९ मंसिर १६ शुक्रवार १९:१७

काठमाडौं । आज थप दुई कम्पनीहरुले लाभांश घोषणा गरेका छन्...

आइएमईको २२ औँ साधारण सभा सम्पन्न : कम्पनीलाई आइपीओमा लैजाने प्रस्ताव पारित

आइएमईको २२ औँ साधारण सभा सम्पन्न : कम्पनीलाई आइपीओमा लैजाने प्रस्ताव पारित

वि.सं.२०७९ मंसिर १६ शुक्रवार १९:०७

काठमाडौं । कम्पनीलाई आइपीओमा लैजाने प्रस्ताव पारित गर्दै आइएमईको २२औँ...

शैक्षिक अवस्था बुझ्न नगरपालिकाको टाेली कक्षा कोठामा

शैक्षिक अवस्था बुझ्न नगरपालिकाको टाेली कक्षा कोठामा

वि.सं.२०७९ मंसिर १६ शुक्रवार १७:२१

हेमन्त केसी सुर्खेत  । मंगलबार जाजरकोट नलगाड नगरपालिकाका नगरप्रमुख डम्मर...

पैसा नभएको चेक दिने पक्राउ, ३० लाख रुपैंया  जरिवाना र १० दिन कैद हुने

पैसा नभएको चेक दिने पक्राउ, ३० लाख रुपैंया जरिवाना र १० दिन कैद हुने

वि.सं.२०७९ मंसिर १६ शुक्रवार १७:१४

काठमाडौं । बैंकिङ कसुर मुद्दाका फरार प्रतिवादी  पक्राउ परेका छन् ।...

जुम्ला विमानस्थलमा बेहोस भेटिएका युवकको मृत्यु

जुम्ला विमानस्थलमा बेहोस भेटिएका युवकको मृत्यु

वि.सं.२०७९ मंसिर १६ शुक्रवार १५:५२

जुम्ला । जुम्ला विमानस्थलमा बेहोस अवस्थामा भेटिएका कैलाली घर भएका...