काठमाडौ । नेकपा एमालेका सचिव योगेश भट्टराईले निजगढ विमानस्थल राजनीतिक दाउपेचको निशाना बन्दै गएको प्रतिकृया दिएका छन् । यतिबेला सरकार बन्ने र गिराउने सम्मको खेलमा निजगढ विमानस्थल समेत जोडिएको दावी गर्दै नेता भट्टराइले यसमा अन्तराष्ट्रिय शक्तीहरु लागेको आरोप लगाए ।
निजगढ निर्माण भए छिमेकी देशहरुको कतिपय विमानस्थलमा आवागमन कम हुने अवस्था आउन सक्ने भएकाले पनि यसलाई हरदम छेक्ने प्रयत्न भएको भट्टराईको भनाइ छ ।
नेकपा एमाले पर्यटन इलाका कमिटीको आयोजनामा शनिबार काठमाडौमा आयोजित दागम्बु स्मृति पुरस्कार प्रदान समारोहको प्रमुख आतिथ्य ग्रहण गर्दै भट्टराईले लुम्विनी र पोखराको पर्यटनले मात्र सिंगो मुलुकको पर्यटनलाई धान्न नसक्ने र निजगढ विमानस्थल बनाउनै पर्ने बताए ।
यतिबेला यही कारण सरकार बन्ने र गिराउने सम्मको खेलमा निजगढ समेत जोडिएको दावी गर्दै नेता भट्टराइले यसमा अन्तराष्ट्रिय शक्तीहरु लागेको बताए ।
उनले भने “सरकार ढाल्ने एउटा कारण यो पनि हो । जे भए पनि हामीले निजगढ बनाएरै छाड्छौं ।” अर्को प्रसंगमा भट्टराइले नेपालमा पर्यटनका विविध सम्भाावना रहेको बताउँदै धार्मिक, साँस्कृतिक विविधता युक्त पर्यटकिय स्थलहरुको अधिकतम विकास र प्रवद्र्धन गर्नु आवश्यक रहेको बताए ।
परम्परागत पर्यटनको मात्र कुरा गरेर नहुने भन्दै उनले भने “आजको दुनियाँमा विभिन्न मुलुक मेडिकल टुरिजमबाट लाभ लिँदै छन् । नेपालमा ज्यादै राम्रो हावापानी छ, मौसम ठिक छ, नेपाल शान्त पनि छ यसको फाइदा हामीले पनि लिनु पर्दछ ।”
७ साउन २०७३
वि.सं.२०७३ साउन ८ शनिवार २१:४० मा प्रकाशित