काठमाण्डौं । नेपाल ट्रष्ट कार्यालयले स्थापना भएको ९ वर्षपछि पूर्व राजपरिवारको नाममा रहेका जग्गा, जमिन तथा घरलाई संरक्षण गर्दै भाडामा लगाई आयआर्जन गर्ने भएकोछ । सो कार्यालयले आफ्नो विनियमावली तयार गरी कार्यान्वयनमा ल्याएपछि उनीहरुलाई यस्तो कामका लागि बाटो खुलेको हो ।
विनियमावली निर्माणपछि ट्रष्टले राजा वीरेन्द्रको नाममा रहेका करिब २५ हजार ६०० रोपनी जग्गा आफ्नो नाममा ल्याएको छ । यसैगरी ट्रष्टले विभिन्न स्थानमा रहेका सातवटा दरबारलाई सर्वसाधारण तथा पर्यटकलाई अवलोकन गर्न खुला गरेको छ।
अब पूर्व राजपरिवारका जग्गा, जमिन तथा सम्पत्तिलाई भाडामा लगाई आयआर्जन गरिने र उक्त आर्जनबाट ट्रष्टले नेपाल ट्रष्ट कार्यक्रम अन्तर्गत शैक्षिक, प्राज्ञिक तथा स्वास्थ्य सञ्चालन गर्न कार्यविधि समेत तयार गरी लागू गरेको छ ।
१२ साउन २०७३, २।००
वि.सं.२०७३ साउन १२ बुधवार १४:४१ मा प्रकाशित