काठमाडौं । नेपाल राष्ट्र बैंकले विद्युतीय माध्यममार्फत भुक्तानीसम्बन्धी सेवा सञ्चालनको लागि अनुमति लिन निर्देशन दिएको छ ।
बिहिबार परिपत्र जारी गर्दै भुक्तानी सेवा सञ्चालन गर्नको लागि राष्ट्र बैंकको भुक्तानी प्रणाली बिभागबाट अनुमति लिन निर्देशन दिइएको हो ।
अहिले विभिन्न कम्पनीहरुले बैंक तथा वित्तीय संस्था र मोबाइल कम्पनीसँग मिलेर विभिन्न भुक्तानी सेवा प्रदान गर्दै आएका छन् । यसबाट विभिन्न वस्तु तथा सेवाको किनमेलका साथै मोबाइल रिचार्ज, विद्युत, टेलिफोन, इन्टरनेटलगायतका यूटिलिटी बिलको भुक्तानी सेवा समेत विद्युतीय प्रणलीमार्फत सुरु भइसकेको छ । अब यस्तो कारोबारको लागि बैंकहरुले केन्द्रिय बैंकसँग अनुमति लिनुपर्ने भएको छ । आजको कारोबार दैनिकबाट ।
प्रकाशितः २०७३ साउन १४
वि.सं.२०७३ साउन १४ शुक्रवार १०:२१ मा प्रकाशित