back
Mega Long Ad

आमालाई दिन बनाएको एउटा उपहार, जो भयो अर्बौं कमाउने व्यापार !

सन् १९६९ को वर्ष । डिसेम्बरको महिनको एउटा चिसो रात, दक्षिण हेड्ली, म्यासाचुसेटमा एक १६ वर्षे हाइस्कुल अध्ययनरत केटा माइकल जेम्स किट्रेज आफ्नो घरको भान्सामा बसिरहेका थिए । क्रिसमस आउन लागेको थियो, उनीसँग आफ्नी आमालाई उपहार स्वरुप दिनका लागि केही थिएन र उपहार किन्नका लागि पैसा पनि थिएन । तर पनि उनले आमालाई केही उपहार दिने विचार गरे । उनी अत्यन्त सक्रिय र सिर्जनात्मक क्षमता भएका युवा थिए ।

त्यसो त, १३ वर्षको उमेरमा उनले बिटल्सलाई देखेका थिए र रक स्टार बन्ने सपना साँचेका थिए । त्यसका लागि उनले गितार सिके र ब्रिस्टोल करिज् नामक रक ब्याण्ड पनि खोले । सानो सानो पार्टीहरुमा उनीहरुको ब्याण्डले गीत गाउन थाल्यो । यसरी उनीहरुले केही आम्दानी पनि गर्न थाले तर पछि त्यो ब्याण्ड टुक्रियो र पैसा आउने बाटो नै हरायो । यसरी क्रिसमस नजिकै आइरहेको बेला उनको गोजीमा सुको थिएन । तर पनि उनलाई आमालाई उपहार दिनु नै थियो ।

त्यसपछि उनले आफ्नी आमाको लागि एउटा मैनबत्ती बनाउने र त्यही उपहार दिने योजना बनाए । यो एकदमै नौलो र आफैले तयार पारेको नयाँ खालको उपहार हुने उनले विचार गरे । उनकी आमालाई पनि यस्ता साना साना कुराहरु औधि मन पर्थे । उनलाई थाहा थियो कि उनकी आमालाई पुराना दिनहरुका कुराहरु, यादहरु र भावनाहरु महत्वपूर्ण थिए । त्योभन्दा पनि बढी उनी छुट्टीका दिनहरु अलग्गै तरिकाले बिताउन मन पराउँथिन्, त्यसैले पनि आफ्नै हातले बनाएको मैनबत्ती एउटा उपयुक्त उपहार हुने माइकलले विचार गरे ।

त्यसैले माइकलले भान्सामा भेटिएका सामाग्रीहरु जस्तो कि मैन, रातो रंग, धागो, अनि दूधको कार्टुन आदि प्रयोग गरेर साधारण मैनबत्ती बनाए र त्यसमा सेन्ट छर्किए । उनले बनाएको त्यो साधारण मैनबत्ती उनले आफ्नी आमालाई दिनुभन्दा पहिले नै उनको छिमेकीले देखिन् । ती छिमेकीलाई त्यो मैनबत्ती अति नै मन प¥यो । उनले ती युवालाई त्यो मैनबत्ती आफूलाई बेच्न भनिन् र किनिन् । त्यो एउटा सामान्य मैनबत्ती बेचेर आएको पैसाले ती युवाले दुईवटा मैनबत्ती बनाए । उनले एउटी आफ्नी आमालाई उपहार दिनका लागि बनाएका थिए भने अर्को बेच्नका लागि बनाएका थिए ।

माइकलले बनाएको मैनबत्ती उनका छिमेकीहरु, साथहरु र परिवारका अन्य सदस्यहरुले औधी मन पराए । उनीहरुले ती मैनबत्तीहरु किन्न थाले । माइकले आफूले बनाएका मैनबत्तीहरु स्कुलमा, घर वरिपरिका पसलहरुमा बिक्रीका लागि राख्न थाले । उनको मैनबत्तीको माग बढ्न थाल्यो । त्यसपछि उनले आफ्नो बुवाको ग्यारेजमा सानो मैनबत्ती फ्याक्ट्री खोले । त्यसको केही समयपछि नै महिनाको ८० डलर तिर्ने गरी नजिकैको एउटा पूरानो कागज फ्याक्ट्रीमा आफ्नो मैनबत्ती फ्याक्ट्री खोले । यो सन् १९७२ को कुरा थियो ।

त्यसपछि आफ्नो हाइस्कुल पढ्ने साथी डोनाल्ड म्याकआइभर र सुसन ओब्रेस्कीसँग मिलेर उनले मैनबत्ती फ्याक्ट्री खोले र नाम राखे ‘याङ्की क्याण्डल कम्पनी’ । यो कम्पनीले बिस्तारै तर निरन्तर रुपमा आफ्नो प्रगति गर्दै गयो । सन् १९८३ मा उनले व्यवसायिक ऋण लिएर कम्पनीलाई बिस्तार गरे । याङ्की क्याण्डल कम्पनीले बिस्तारै शहरका अन्य भागहरुमा आफ्नो शाखा कम्पनी खोल्दै गयो र केही समयपछि नै विश्व बजारमा यसले आप्नो पहिचान बनाउन थाल्यो । यसका मागहरु बढ्न पुगे । सन् १९९० को मध्यताका नै यो अन्तर्राष्ट्रिय रुपमा ख्याति पाएको कम्पनी बन्न पुग्यो ।

अहिले माइकलले खोलेको याङ्की क्याण्डल कम्पनी अमेरिकाकै सबैभन्दा ठूला कम्पनीहरु मध्ये एकमा पर्छ । यसमा ६ हजार कर्मचारीहरु दैनिक रुपमा क्याण्डल बनाउने काम गरिरहेका छन् भने विश्वभर ५ सय ५० वटा पसलहरु रहेकाछन् । यसका साथै विश्व बजारमै याङ्की क्याण्डलको १९ हजार रिटेल स्टोरहरु रहेका छन् ।

माइकलले भने सन् १९९८ मा फ्रोस्टम्यान लिटल एण्ड कम्पनीलाई याङ्की क्याण्डल कम्पनी बेचे र पनि सन् २००३ सम्म उनी त्यस कम्पनीमा बोर्ड सदस्यको रुपमा पनि बसे । तर त्यसपछि भने उनी पूर्ण रुपमा रिटायर्ड जीवन व्यतित गरिरहेका थिए । त्यतिबेला उनलाई थाहा थिएन कि उनका छोरा मिक आफ्नै क्याण्डल कम्पनी खोल्न चाहन्छन् । उनले रिटायर्ड भएको १० वर्षपछि अर्थात् सन् २०१४ मा उनका छोरा मिकले क्रिन्गल क्याण्डल कम्पनी खोलेका छन् र अहिले माइकल उनलाई प्रोत्साहित गरिरहेका छन् । क्रिन्गल पनि अहिले अन्तर्राष्ट्रिय कम्पनीको रुपमा अगाडि आइरहेकोछ ।

इरादा पहाडी , एजेन्सीको सहयोगमा
१४ साउन २०७३

वि.सं.२०७३ साउन १४ शुक्रवार १९:३६ मा प्रकाशित

You can share this post!

आहा ! शैलुङ : खुल्दै होमस्टे, उदाउँदै शैलुङ

आहा ! शैलुङ : खुल्दै होमस्टे, उदाउँदै शैलुङ

वि.सं.२०७६ पुस २२ मंगलवार १०:१९

दोलखा । शैलुङ्ग, दोलखा जिल्लाको प्रमुख पर्यटकीय गन्तव्य शैलुङ्गमा नेपाल...

बागलुङमा लगानी भित्र्याउन ठूला उद्यमी इच्छुक

बागलुङमा लगानी भित्र्याउन ठूला उद्यमी इच्छुक

वि.सं.२०७६ पुस ११ शुक्रवार ११:५६

बागलुङ । जिल्लामा पहिलोपटक ठूला लगानीकर्ता आकर्षित गर्नका लागि लगानी...

कलङ्की–महाराजगञ्ज सडक विस्तारको तयारी

कलङ्की–महाराजगञ्ज सडक विस्तारको तयारी

वि.सं.२०७६ मंसिर १८ बुधवार १६:०६

काठमाडौं । चक्रपथको दोस्रो चरणको विस्तारका लागि कलङ्की–महाराजगञ्ज सडकमा तयारीका...

नागढुंगा सुरुङमार्गको काम अर्को सातादेखि सुरु, आवश्यक उपकरण लिन गए जापानी कम्पनी

नागढुंगा सुरुङमार्गको काम अर्को सातादेखि सुरु, आवश्यक उपकरण लिन गए जापानी कम्पनी

वि.सं.२०७६ कात्तिक १९ मंगलवार १५:२२

काठमाडौं । सडक पूर्वाधारमा महत्वपूर्ण संरचना मानिएको नेपालकै पहिलो आधुनिक...

स्थायी शिक्षक भएको पाँच महिना पुग्यो, तलव भत्ता र हाजिर चाँहि कहिले ?

स्थायी शिक्षक भएको पाँच महिना पुग्यो, तलव भत्ता र हाजिर चाँहि कहिले ?

वि.सं.२०७६ कात्तिक ८ शुक्रवार १३:०९

काठमाडौं । कास्कीका चेतनारायण लामिछाने गत जेठमा स्थायी शिक्षकमा छनोट...

यी हुन लोपोन्मुख सोनाहा र नटुवा समुदायका पहिला शिक्षक

यी हुन लोपोन्मुख सोनाहा र नटुवा समुदायका पहिला शिक्षक

वि.सं.२०७६ कात्तिक ६ बुधवार १०:५९

काठमाडौं । सुस्मिता सोनाहा र पण्डित नटुवा लोपोन्मुख जाति (सोनाहा...