काठमाण्डौं । नेपाल बैंक लिमिटेडले आफ्नो स्वामित्वमा रहेको नागरिक लगानी कोषको तीन लाख ९९ हजार ९४० कित्ता संस्थापक सेयर बिक्री गर्ने प्रकृया सुरु गरेको छ । बैंकले यसका लागि गोप्य शिलबन्दी बोलपत्र आह्वान गरेको छ ।
बैंकले एक कित्ताको न्युनतम मूल्य ३५ सय रुपैयाँ तोकेको छ । बैंकको सेयर लिन इच्छुकले यसमा बढेर आवेदन दिनु पर्ने हुन्छ । आवेदन २१ दिनभित्र दिइसक्नु पर्छ ।
सेयरका लागि कम्तिमा २५ हजार कित्तासम्मको आवेदन दिनु पर्ने हुन्छ । बैंकले जारी गरेको सुचना अनुसार, सेयरमा आवेदन बैंक तथा वित्तीय संस्था र बिमा कम्पनीहरुले मात्र दिन पाउँछन् । बजारमा कम्पनीको सेयर प्रति कित्ता ५२०० रुपैयाँमा बिक्री भइरहेको छ ।
१७ साउन २०७३, ९।००
वि.सं.२०७३ साउन १७ सोमवार ११:०३ मा प्रकाशित