भक्तपुर । साउनको तेस्रो सोमबार केदारनाथको शिर डोलेश्वर महादेव मन्दिरमा भक्तजनको भिड अन्य सोमबार भन्दा अत्याधिक रहेको छ ।
मन्दिरको समितिका अध्यक्ष बिदुरमान सिंह बस्नेतले साउन महिनाको तेस्रो सोमबार भक्तजनहरुको चाप अत्याधिक रहेको भन्दै मन्दिरको गुरुयोजना कार्यान्वयन तर्फ अगाडि बढिरहेको र सोचे जस्तो भक्तजनहरुका लागि उचित प्रबन्ध मिलाउन नसकेता पनि चापलाई ध्यान दिएर सक्दो ब्यवस्था मिलाई रहेको बताए ।
साउनको महिनासँगै हरेक बर्ष साउने मेला लगाउँदै आएको डोलेश्वर मन्दिरमा यो वर्ष पनि ३८ दिने साउने मेला सञ्चालनमा रहेको छ । मेलामा उपस्थित भक्तजनहरुले चढाएको भेटी रकमले मन्दिरको गुरुयोजना कार्यान्वयनमा थप आर्थिक भार सहज हुने समेत समितिले जनाएको छ ।
यो साउने मेलामा भक्तजनहरुबाट हिजो सम्म ३४ लाख ८५ हजार सात सय ३४ रकम संकलन भएको समितिका सचिव मोहन बल्लले जानकारी दिए । उनले भन्नु भयो यो मेलाबाट संकलन गरिएको रकमले मन्दिरको गुरुयोजनमा थप सहयोग पु¥याउनुका साथै मेला सञ्चालनमा देखिएको आर्थिक भार सन्तुलन राख्दै मेलालाई ब्यवस्थित गर्न सहयोग पु¥याएको बताए ।
आज तेस्रो सोमबार डोलेश्वर मन्दिर दर्शनमा आएका पूर्व मन्त्रिपरिषदका अध्यक्ष खिलराज रेग्मीले सञ्चारकर्मीसँग कुरा गर्दै डोलेश्वर मन्दिरलाई धार्मिक पर्यटकीय तिर्थ स्थलका रुपमा बिकास गर्नु पर्ने बताएका छन् । उनले सञ्चारकर्मीको राजनीतिक जिज्ञासामा राजनीतिक परिवर्तन भएता पनि नेपालमा ढिला चाँडो जसरी पनि संबिधान कार्यान्वयन हुनेमा आफू बिश्वस्त रहेको बताए ।
१७ साउन २०७३, ११।००
वि.सं.२०७३ साउन १७ सोमवार १३:१४ मा प्रकाशित
