काठमाण्डौं । नेपाली फुटबलको आधिकारिक संस्था अखिल नेपाल फुटबल संघ (एन्फा) मा पछिल्लो समय चुलिँदै गएको विवादका कारण विदेशबाट आउने करिब १० करोड ५० लाख रुपैयाँको सहयोग रोक्का भएको छ।
एन्फाका दुई पक्ष कार्यवाहक अध्यक्ष नरेन्द्र श्रेष्ठ र उपाध्यक्ष कर्माछिरिङ शेर्पाबीच विधानको विषयमा सहमति बन्न नसक्दा फुटबल विकासका लागि यस वर्ष आउने रकम रोक्का भएको हो।
अन्तर्राष्ट्रिय फुटबल महासंघ (फिफा) ले यस वर्षदेखि आफ्ना सबै सदस्य राष्ट्रलाई उपलब्ध गराउँदै आएको रकममा बढौती गरेको थियो। तीन महिनाअघि फिफाका नवनियुक्त अध्यक्ष गियानी इन्फान्टिनोले यसको घोषणा गरेका थिए।
१९ साउन २०७३, ११।००
वि.सं.२०७३ साउन १९ बुधवार १२:५९ मा प्रकाशित
