काठमाण्डौं । प्रधानमन्त्री बन्न लागेका माओवादी अध्यक्ष प्रचण्डले फास्ट ट्र्याक सरकारले नै बनाउने बताउँदै प्रश्न गरेका छन् ‘प्रधानमन्त्रीजी तपाईले के सोच्नु भएको छ रु कसरी कुन पैसा ल्याएर बनाउने रु स्रोत देखाइदिनुस् । तपाईले देखाएको स्रोत प्रयोग गरेर बनाउन तयार छु । मलाई सिधा, सरल र वुझिने भाषामा सम्झाइदिनस् ।’
संसदमा प्रधानमन्त्रीको उम्मेदवारी प्रस्तुत गर्दै प्रचण्डले ओलीले उठाएका प्रश्नहरुको जवाफ दिए । फास्ट ट्र्याक नेपाल सरकारले नै बनाउने निर्णयमा आफूहरुको स्वामित्व रहेको भन्दै उनले भने, ‘फास्ट ट्र्याक बनाउँछौं हामी । तपाईको जोडदार साथ चाहिएको छ । त्यो निर्णयमा हाम्रो स्वामित्व छ । राज्यले अगाडि बढाउँछ ।’
उनले अघिल्लो सरकारले जिल्ला जिल्लामा जहाँ बजेट छुट्टिएको छ, त्यो हुबहु कार्यान्वयन गर्ने बताए । बजेट नभएको ठाउँमा बजेटको व्यवस्था गरेर अझ जनमुखी बनाउन प्रयास गर्ने उनले बताए ।
प्रधानमन्त्री बन्दै गरेका प्रचण्डले दुई छिमेकी मुलुलक चीन र भारतसँग भएको नेपालको जनताका हितमा भएका सम्झौता कार्यान्वयन गर्ने प्रतिवद्धता व्यक्त गरेका छन् ।
१९ साउन २०७३, १।३०
वि.सं.२०७३ साउन १९ बुधवार १३:४७ मा प्रकाशित
