काठमाडौ । गोरखाबाट ५ दिनको सुत्केरी लिएर काठमाडौँका लागि उडेको फिस्टेल एयरको नाइन एन एकेए हेलिकप्टर नुवाकोटमा दुर्घटना हुँदा मृत्यु भएका सातै जनाको शब काठमाडौ ल्याईएको छ ।
नुवाकोटको बेतनीस्थित चुच्चेभिरमा भएको सो दुर्घटनामा ज्यान गुमाएका सबैको शब पोष्टमार्टमका लागि फिस्टेलकै अर्काे हेलिकप्टरमार्फत काठमाडौ शिक्षण अस्पताल ल्याईएको छ ।
दुर्घटनामा परी मृत्यु हुनेमा चालक क्याप्टेन रन्जन लिम्बूका साथै यात्रु कितमान गुरुङ, आसामी गुरुङ, प्रिती गुरुङ, लक्ष्मी गुरुङ, निशा तामाङ र एक जना नवजात शिशु रहेको नेपाल नागरिक उड्डयन प्राधिकरणले जनाएको छ ।
नवजात शिशु बिरामी भएका कारण उपचारका लागि सो हेलिकप्टरमार्फत काठमाडौँ ल्याइँदै गरेको थियो ।
प्राधिकरणका अनुसार आज अपराह्न १२ः३२ बजे नुवाकोटको मदनपुर–९ बेतनी जङ्गलको चुच्चेभिरमा सो हेलिकप्टर दुर्घटना भएको थियो ।
प्रकाशित मिति :२०७३ साउन २४
वि.सं.२०७३ साउन २४ सोमवार १९:०७ मा प्रकाशित