काठमाण्डौं । नेपालमा गाडी उत्पादन गर्ने एक मात्र कम्पनी हुलास मोटर्सले एक साताभित्र आफ्नो विद्युतीय कारको ‘दा भिन्सी’ बजारमा ल्याउने भएकोछ । हाल काठमाडौँमा परीक्षण भइरहेको यो कारको सुरुवाती मुल्य १३ लाख ९९ हजार रुपैयाँ पर्ने भएकोछ ।
महान् वैज्ञानिक तथा कलाकार लियानार्दो दा भिन्सीको नाममा आफ्नो कारको नाम राखेको कम्पनीले जनाएकोछ । हुलासले आफैँ बनाउने भने पनि हाल लन्च गरिन लागिएको यो कार भने चीनबाट आयात गरिएको हो। लन्चपछि करिब एक महिनाको बजार प्रतिक्रिया हेरेर यसलाई नेपालमै निर्माण गरिने कम्पनीले जनाएकोछ ।
हुलास मोटर्सले गत चैत महिनामा विद्युतीय कार निर्माण गर्ने घोषणा गरेको थियो। यो कारको ब्याट्री फुल चार्ज गर्न करिब ७ देखि ८ घण्टा समय लाग्नेछ। यो एकपटक चार्ज गरेपछि एसी चलाउँदा १ सय ३० किलोमिटर र बिना एसी १ सय ५० किलोमिटरसम्म गुड्नेछ।
२५ साउन २०७३, ११।००
वि.सं.२०७३ साउन २५ मंगलवार १२:११ मा प्रकाशित