काठमाण्डौं । जनता बैंक नेपालले ५० प्रतिशत हकप्रद सेयर जारी गर्न सेयर निष्कासन तथा विक्री प्रबन्धकमा एनसिएम मर्चेन्ट बैंकिङलाई नियुक्त गरेको छ । बैंकले हाल कायम चुक्तापूँजीको पचास प्रतिशतले हुन आउने एक करोड तीन लाख कित्ता हकप्रद सेयर जारी गर्न लागि एनसिएमलाई नियुक्त गरेको हो ।
सेयर जारी गर्ने सम्बन्धि सम्झौता पत्रमा बैंकका प्रमुख कार्यकारी अधिकृत कुमार लम्साल र एनसिएमका प्रबन्ध सञ्चालक वजयलाल श्रेष्ठले हस्ताक्षर गरेका छन् । बैंकले छैठौं बार्षिक साधारणसभाबाट पचास प्रतिशत अर्थात दुई बराबर एकका दरले हकप्रद सेयर दिने निर्णय पारित गरिसकेको छ ।
बैंकको अहिले दुई अर्ब ६ करोड रुपैयाँ चुक्ता पुँजी छ । हकप्रद सेयर जारी गरेपछि पुँजी तीन अर्ब ९ करोड रुपैयाँ बढ्ने छ । साथै बैंकले संस्थापक समुहमा रहेको ७० प्रतिशत सेयर हिस्सालाई ५१ प्रतिशत कायम गर्ने र सोही बमोजिम संचालक समितिको संरचना कायम गर्ने निर्णय समेत गरिसकेको छ ।
२६ साउन २०७३, ११।००
वि.सं.२०७३ साउन २६ बुधवार १०:५६ मा प्रकाशित
