तामिलनाडु (भारत) । यहाँ गुडिरहेको एक रेलको छत काटेर करोडौं रुपैयाँ चोरेका छन् । फिल्मी शैलीबाट भएको यो चोरीमा डाँकाहरुले ५ करोड रुपैयाँ चोरी भएको हो ।
रिजर्भ बैंक अफ इण्डियाले सो रेल मार्फत् ३ सय ४० करोड रुपैयाँ सलेमबाट चेन्नाइ पठाएको थियो । तर, डाँका समूहले रेलको छत काटेर बिच बाटोबाटै पाँच करोड रुपैयाँ चोरेर फरार भएको भारतीय सन्चार माध्यमहरुले जनाएका छन् ।
रिजर्भ बैंक अफ इण्डियाका अधिकारीहरुका अनुसार चेन्नाई पुगेर रेलबाट रकम झिक्न लाग्दा मात्रै पैसा चोरिएको थाहा भएको थियो । पैसा राखिएका २२६ पेटीहरुमध्ये चार पेटीहरु च्यातिएका र तोडफोड भएको पाइएको थियो । ती पेटीहरुमा सन् २००५ भन्दा अघिका पुराना र च्यातिएका नोटहरु पनि थिए । प्रहरीले यस घटनाको अनुसन्धान भइरहेको जनाएको छ ।
२६ साउन २०७३, १२।००
वि.सं.२०७३ साउन २६ बुधवार १२:५४ मा प्रकाशित