काठमाण्डौं । आज साताको पहिलो दिन आइतबार नेप्से करिब ४१ अंकले घटेर १७३३.९३ अंकले झर्न पुगेको छ । कारोबारमा आएका सबै समूहको सूचकमा गिरावट आएपछि बजार उच्च अंकले झरेको हो ।
आइतबार १४० कम्पनीको एक अर्ब १४ करोड रुपैयाँ बराबरको सेयर किनबेच भएको छ । अघिल्लो सताको कारोबारको तुलनामा कारोबार रकम पनि १८ करोड रुपैयाँले कम हो ।
कारोबारमा आएका सबै समूहको सूचक ओरालो लागेपछि घटेको बजारमा सबैभन्दा धेरै बीमा समुहको परिसुचक २३३ अंकले ओरालो लागेको छ । त्यस्तै होटल १०७, जलविद्युत ६४, विकास बैंक ४३, वाणिज्य बैंक ३६, अन्य २० र फाइनान्स १७ अंकले ओरालो लागेको छ ।
यसदिन एनबी बैंकको सबैभन्दा धेरै ७ करोड ३९ लाख रुपैयाँ बराबरको शेयर किनबेच भएको छ । एभरेष्ट, सिद्धार्थ, अरुणभ्याली हाइड्रो र नेपाल बैंकको पनि चार करोड बढीको कारोबार भएको छ । टुरिजम डेभलपमेन्ट बैंक, एनएमबी, ग्लोबल आइएमइ र इनभेष्टमेन्ट बैंकको पनि ३ करोड बढीको सेयर किनबेच भएको छ ।
३० साउन २०७३, ४।००
वि.सं.२०७३ साउन ३० आइतवार १६:२५ मा प्रकाशित
