काठमाण्डौं । सार्वजनिक खरिद अनुगमन कार्यालयले ठेक्काको सर्त अनुसार काम नगरेको भन्दै दुई दर्जन निर्माण व्यवसायीलाई कालोसूचीमा राखेको छ ।
कालोसूचीमा परेका सबै निर्माण व्यवसायीलाई सिभिल निर्माणको काम गर्न नसकेको ठहर गर्दै कार्यालयले सन् २०१९ सम्मका लागि कालोसूचीमा राखेको हो ।
अब यसरी कालोसूचीमा परेका व्यवसायीले सरकारी ठेक्कापट्टामा भाग लिन पाउँदैनन् भने सरकारी निकायमा काम गर्न पनि उनीहरू अयोग्य हुन्छन् । सार्वजनिक खरिद ऐनअनुसार व्यवसायीलाई कालोसूचीमा राखिएको कार्यालयले जनाएको छ ।
कालोसूचीमा पर्नेहरुमा विश्व निर्माण, पिपि निर्माण, निशान निर्माण, इको बिल्र्डस्, बि एस कन्स्ट्रक्सन, कमला निर्माण, जय शम्भु मल्टिपरपज कम्पनी, नेपाल प्रगति निर्माण आदि रहेका छन् ।
३१ साउन २०७३, ११।००
वि.सं.२०७३ साउन ३१ सोमवार १२:१९ मा प्रकाशित
