काठमाडौं । नेविसंघ अध्यक्षमा नयनसिंह महर विजयी भएका छन्। उनले १४९२ मत पाएर विजयी भएका हुन्। महरका निकटतम प्रतिद्वन्द्वी मनोजमणी आचार्यले १३१६ मत प्राप्त गरेका छन्।
नेविसंघको सभापतिमा नैनसिंह महर विजयी भएका छन्।
त्यस्तै नेविसंघको महामन्त्रीमा पनि महर प्यानलकै कुन्दन काफ्ले र सरोज थापा निर्वाचित भएका छन् ।
प्रदेश नम्वर १ बाट विकास केसी उपाध्यक्षमा निर्वाचित भएका छन्। प्रदेश नम्वर २ बाट सञ्जय यादव उपाध्यक्ष भएका छन्। प्रदेश ४ बाट डिल्लीराम सुवेदी निर्वाचित भएका छन्। सुवेदी काँग्रेस नेता गगन थापा निकट मानिन्छन। अन्य प्रदेश र उपत्यकाको मतगणना जारी छ। निर्वाचित सबै जना सभापति शेर बहादुर देउवा, कृष्ण प्रसाद सिटौला र गगन थापा निकट मानिन्छन।
प्रकाशितः २०७३ भदौ २
वि.सं.२०७३ भदौ २ बिहीवार १४:०० मा प्रकाशित
