काठमाण्डौं । एनआइसी एशिया बैंकले हकप्रदमा नबिकेको सेयर लिलाम गरेर ३२ करोड रुपैंया संकलन गरेको छ ।
केही समय अघि २५ प्रतिशत हकप्रद सेयर निष्काशन गरेको बैंकले आवेदन नपरेको ४ लाख ३३ हजार ९ सय ५६ कित्ता सेयर लिलाम गरेको थियो । गत साउन ६ गतेदेखि बैंकले २० गतेसम्म सेयर लिलाममा राखेको थियो । लिलाम भएको सेयर ४ सय १ जनाले सकारेका छन् ।
बैंकको सेयर निष्काशन तथा बिक्रि प्रबन्धक सिभिल क्यापिटलले दिएको जानकारी अनुसार लिलाममा राखिएको सेयरका लागि १ हजार ५ सय ९८ जनाले आवेदन दिएका थिए । डिम्याट खातामा सेयर भएकाहरुले भने सेयर नेप्सेमा सुचिकृत भए पछि मात्र हकप्रद भरेको सेयर डिम्याट खातामा पाउने छन् ।
३ भदौ २०७३, १।००
वि.सं.२०७३ भदौ ३ शुक्रवार १२:५७ मा प्रकाशित
