काठमाण्डौं । सिइडिबी हाइड्रोले ३० प्रतिशत अर्थात दश बराबर तीन कित्ताका दरले हकप्रद सेयर निष्कासन गर्ने भएको छ । साथै कम्पनीले १७ करोड ६१ लाख रुपैयाँ बराबरको साधारण सेयर निष्काशन गर्ने तयारीमा रहेको छ ।
यहि भदौ १८ गतेदेखि निष्काशन हुने हकप्रदमा असोज २१ गतेसम्म आवेदन गर्न सकिने कम्पनीले जनाएको छ । कम्पनीका सेयर धनीले सिइडिबी हाइड्रोको कार्यालय वा वेभसाइट मार्फत फारम बुझाउन सक्नेछन् ।
कम्पनीले ५ मेगावाटको रुकुमगढ जलविद्युत आयोजनाबाट उत्पादीत विद्युत बिक्रीका लागि नेपाल विद्युत प्राधिरकणसँग सम्झौता समेत गरिसकेको जानकारी दिएको छ ।
हकप्रद भर्ने लगानीकर्ताले एनएमबी बैंक थापाथलीमा रकम जम्मा गर्नुपर्ने कम्पनीले जनाएको छ । कम्पनीका सेयरधनीले आफ्नो हक वा सो भन्दा बढी सेयर पनि खरिद गर्नपाउने छन् ।
३ भदौ २०७३, १।००
वि.सं.२०७३ भदौ ३ शुक्रवार १३:१० मा प्रकाशित