तिब्बतसँग सिमाना जोडिएको उत्तरी गोरखाको सामागाउँ गाविसको सीमा क्षेत्रसम्म चिनियाँ गाडी चल्न सुरु गरेको छ ।
चीन सरकारले सामागाउँ गाविसको सिमानामा रहेको तिब्बतको रुई गाउँ सम्म कच्ची सडक खनेपछि ट्रक, जिप र मोटरसाइकलहरु चल्न थालेका हुन् ।
तिब्बतको जोङ्गा जिल्लाको कोङ्दाङ सहर हुँदै गत वैशाखमा उक्त कच्ची सडक खनिएको थियो । तिब्बतको रुइढाक्यामा आयोजित पूजामा गएका गोरखा सामागाउँका ३० जना ट्रक चढेर सिमानाको ३५ नम्बर पिल्लर छेउ सडक आइपुगेका थिए ।
प्रकाशित मिति २०७३ भदौ ३
वि.सं.२०७३ भदौ ३ शुक्रवार १८:४८ मा प्रकाशित