बर्दिवास । महोत्तरी जिल्लाको भङ्गाहा–३ रामनगरमा आज एकाबिहानै रु तीन लाख मूल्य बराबरको धनमाल चोरी भएको छ ।
सो बस्तीका ८० वर्षीय श्रीनारायण साहका घरबाट आज बिहान ४ बजे नगद र सुनचाँदीका गहना र सिक्कासहित रु तीन लाख मूल्यको धनमाल चोरी भएको हो । घरमा एक्लै बस्दै आएका ८० वर्षीय साह बिहान उठेर शौच गर्न बस्ती बाहिरको पोखरी डिलतर्फ गएको मौका छोपी घर पसेको चोरले दराज फोेरेर रु ७० हजार, तीन तोला सुनका गहना र केही चाँदीका पुराना सिक्कासहित रु तीन लाख मूल्यको धनमाल गुटमुट्याएर लगेको छ ।
घटनास्थलको अवलोकन गरेर अनुसन्धान थालिएको इलाका प्रहरी कार्यालय लोहारपट्टीले जनाएको छ । साहु महाजनी (नगद जिन्सी लगानी गर्ने पेसा) कारोबार गर्दै आएका साहसँग धरौटी राख्न ल्याइएको सुनचाँदी रहेको र एक दिन पहिलेमात्र ऋणीले बुझाएको रकम बैंकमा पु¥याउन नपाएको थाहा पाएको नजिककै मान्छे चोरीमा संलग्न भएको हुन सक्ने साहका छिमेकी लट्टु ठाकुरले बताउनुभयो ।
प्रकाशितः २०७३ भदौ ४
वि.सं.२०७३ भदौ ४ शनिवार १०:५० मा प्रकाशित
