काठमाण्डौं । दिव्यश्वरी हाइड्रोपावर कम्पनीको साधारण शेयर बुधबार बाँडफाँड हुने भएको छ । कम्पनीले सर्वसाधारणका लागि निष्काशन गरेको साधारण शेयर बिक्रि प्रबन्धक एस क्यापिटलको कार्यालय लालदरबारमा बाँडफाँड गर्न लागेको हो ।
८७ हजार रुपैंयासम्मका आवेदकले गोलाप्रथाबाट १० कित्ता शेयर पाउने छन् भने त्यस भन्दा माथिका १ लाख सम्मका आवेदकले अनिवार्य रुपमा ११ कित्ता शेयर पाउने सम्भावना छ । कम्पनीले ३ लाख ९६ हजार कित्ता साधारण शेयर निष्काशन गरेको थियो ।
हाइड्रोले आयोजना प्रभावितलाई १० प्रतिशत र सर्वसाधारणलाई १५ प्रतिशत शेयर विक्री गरेको हो । यस क्रमममा कम्पनीले स्थानीयका लागि २ लाख ६४ हजार कित्ता साधारण शेयर निष्काशन गरिसकेको छ । कम्पनीको शेयरलाई इक्रा नेपालले इक्रा रेटिंग ४ दिएको छ ।
कम्पनीको संस्थापकसँग १९ लाख ८० हजार कित्ता शेयर रहेको छ । साधारण शेयर निष्काशन पश्चात हाइड्रोको चुक्ता पुँजी २६ करोड ४० लाख रुपैयाँ पुग्ने छ ।
प्रकाशितः २०७३ भदौ ७
वि.सं.२०७३ भदौ ७ मंगलवार ११:५८ मा प्रकाशित