काठमाण्डौँ । हिमालयन जनरल इन्स्योरेन्सले दुई सय २० प्रतिशत र सानीमा माई हाइड्रोपावर कम्पनीले शतप्रतिशत हकप्रद सेयर दिने भएका छन्। यसका लागि सानिमा माईले आजबाट बुक क्लोज समेत गरिसकेको भने हिमालयन यसको अन्तिम तयारीमा छ ।
हिमालयनले आगामी सात असोजमा बिषेश साधारण सभा आयोजना गरि हकप्रद सेयर वितरणबारे औपचारिक निर्णय लिनेछ । हाल कम्पनीको ३२ लाख १० हजार ५२ कित्ता सेयर नेप्सेमा सुचिकृत छ। हकप्रद सेयर वितरण पश्चात कम्पनीको सेयर संख्या एक करोड दुई लाख कित्ता र चुक्ता पुँजी एक अर्ब दुई करोड रुपैयाँ नाघ्नेछ। कम्पनीमा एक कित्ता सेयर हुने लगानीकर्ताले दुई दशमलव दुई कित्ताको दरले आवेदन दिन पाउनेछन्।
त्यस्तै, सानीमा माई हाइड्रोपावर कम्पनीले शतप्रतिशत हकप्रद सेयर वितरण गर्ने भएको छ। यसका लागि कम्पनीले भदौ ३१ मा पाँचौ साधारणसभा गर्दैछ ।
हाल कम्पनीको चुक्ता पुँजी एक अर्ब पाँच करोड ५० लाख रुपैयाँ छ। हकप्रद सेयर दिए पछि त्यो दुई अर्ब १० करोड रुपैयाँ पुग्नेछ। साधारणसभाका लागि बुधबारबाट बुक क्लोज गरेको जानकारी समेत कम्पनीले नेप्सेलाई दिएको छ। कम्पनीले इलाममा २२ मेगावाटको माई जलविद्युत आयोजना र सात मेगावावटको माई क्यासकेट निर्माण सम्पन्न गरेर विद्युत उत्पादन सुरु गरेकोछ ।
दुबै कम्पनीले साधारणसभाबाट यसबारे औपचारिक निर्णय लिने तयारी गरेका छन्।
८ भदौ २०७३, १२.३०
वि.सं.२०७३ भदौ ८ बुधवार १२:५५ मा प्रकाशित
