काठमाडौ। नेपाल बचत तथा ऋण सहकारी केन्द्रीय संघ (नेफ्स्कुन) र बेलायती साझेदारी संस्था युकेएड ‘सक्षम’बीच ग्रामीण क्षेत्रमा वित्तीय पहुँचको विस्तार गर्नका लागि समझदारीपत्रमा हस्ताक्षर भएको छ ।
नेफ्स्कुनका प्रमुख कार्यकारी अधिकृत शिवजी सापकोटा र सक्षमका टोली प्रमुख बलजीत बोहराबीच ‘वित्तीय सहकारीको क्षमता विकासमार्फत समुदायका वित्तीय पहुँच अभिवृद्धि कार्यक्रम’को सम्झौतापत्रमा हस्ताक्षर भएको हो ।
कार्यक्रमले ऋण सहकारी संस्थाको वित्तीय र संस्थागत क्षमता अभिवृद्धि गर्नका लागि मध्य र सुदूरपश्चिमका १० जिल्लामा सहयोग पुग्ने प्रमुख कार्यकारी अधिकृत सापकोटाले जानकारी गराए । कैलाली, डडेल्धुरा, डोटी, बैतडी, कञ्चनपुर, रोल्पा, प्यूठान, दाङ, रुकुम र सल्यान जिल्लाका सहकारीमा थोक कर्जा लगानी गर्नेछ ।
कार्यक्रममा नेफ्स्कुनका अध्यक्ष ऋषिराम घिमिरेले परियोजनाले सहकारी र थोक कर्जाले नेपालको ग्रामीण क्षेत्रमा वित्तीय सेवा पु¥याउन महत्वपूर्ण योगदान पुग्ने बताए । उनले सहकारीको क्षमता अभिवृद्धि गरी सफल र दिगो कार्यान्वयनमा सहयोग पु¥याउने बताए ।
सक्षमका टोली प्रमुख बोहराले ग्रामीण क्षेत्रका मानिसको सशक्तीकरण र वित्तीय सेवामा पहुँच पुग्ने बताए । कार्यक्रमअनुसार परियोजनाले २०० सहकारी संस्थाका ३० हजार सदस्यलाई छ अर्ब रुपैंया ऋण परिचालन गर्नेछ ।
प्रकाशित मितिः २०७३ भदौ १३
वि.सं.२०७३ भदौ १३ सोमवार २०:१८ मा प्रकाशित