काठमाडौ । नेकपा (एमाले) का महासचिव ईश्वर पोखरेलले सरकारले कूटनीतिक मर्यादा विपरीत भारत र चीनसँग सम्बन्ध बढाउन थालेको आरोप लगाएका छन् ।
एमाले स्कुल विभागको आयोजनामा युवा संघ नेपालले सञ्चालन गरेको ‘प्रशिक्षक–प्रशिक्षण’ कार्यक्रम समापन गर्दै महासचिव पोखरेलले दुई उपप्रधानमन्त्रीहरुलाई कूटनीतिक मर्यादा विपरीत छिमेकी मुलुकहरुमा पठाएर सम्बन्ध बढाउन थालेको आरोप लगाए ।
उनले एमाले अध्यक्ष केपी शर्मा ओली नेतृत्वको सरकारले सुगौली सन्धिपछिको गुमेको राष्ट्रिय स्वाभिमानलाई जोगाउन खोज्दा स्वदेशी तथा विदेशी केही शक्तिले त्यो सरकार ढलाएको आरोप लगाए । “इतिहासदेखि गुमेको राष्ट्रिय स्वाभिमान, सार्वभौम र नेपालीलाई आत्मनिर्भर बनाउन खोज्दा सरकार ढालियो ।”उनले भने ।
सात दिनसम्म सञ्चालित उक्त प्रशिक्षण कार्यक्रममा सहभागीलाई प्रमाणपत्र उपलब्ध गराईएको थियो ।
प्रकाशित मितिः २०७३ भदौ १३
वि.सं.२०७३ भदौ १३ सोमवार २०:५८ मा प्रकाशित
