काठमाण्डौं । अरुण भ्याली हाईड्रोपावर डेभलपमेण्ट कम्पनी लिमिटेडको १९ औं साधारणसभाले शेयरधनीलाई १० प्रतिशतका दरले बोनश शेयर तथा कर मिलानको लागि ०.५२६ प्रतिशतका दरले नगद लाभांश दिने निर्णय गरेको छ।
भदौ १७ गते थापाथलीस्थित ट्रेड टावरमा भएको साधारणसभाले बोनस शेयर र नगद लाभांश दिने निर्णय गरेको हो।
साधारण सभाले आर्थिक वर्ष २०७२÷७३ को वासलात, नाफा नोक्सान हिसाब र नगद प्रवाह लगायतका वित्तीय विवरण छलफल गरि स्वीकृत गरेको कम्पनीका अध्यक्ष गुरुप्रसाद न्यौपानेले जानकारी दिए।
कम्पनीले विद्युत विकास विभागबाट ९ दशमलब ९४ मेगावाट क्षमताको काबेली–१ क्यासकेट जलविद्युत आयोजनाको सर्वेक्षण अनुमतिपत्र (लाइसेन्स) पाइसकेको छ । सो आयोजना अघि बढाउनसर्वसाधारणमा जारी गर्न लागेको आइपिओबाट ३१ लाख ५७ हजार ८ सय ३३ थान शेयर जारी गरी पुँजी व्यवस्थापन गर्न लागिएको जनाएको छ।
प्रकाशितः २०७३ भदौ १८
वि.सं.२०७३ भदौ १८ शनिवार १०:५८ मा प्रकाशित
