काठमाडौं। मलेसिया सरकारले नेपाली नागरिकका लागि भिसा शुल्कमा पुनः भारी वृद्धि गरेको छ । मलेसियाले भदौ २७ गतेदेखि लागु हुने गरेरभिसा शुल्कमा ६ हजार ७ सय पुर्याएको छ । नेपाली कामदारको आकर्षक गन्तव्य मलेसियाले साढे २ वर्षको अवधिमा दुईपटक भिसा शुल्क बढाएको हो ।
मलेसियाले यसअघि ०७० पुसमा ७ सय रहेको भिसा शुल्क बढाएर एकैपटक ३९ सय रुपैयाँ पुर्याएको थियो । मलेसियाले त्यसबेला भिसा शुल्क वृद्धिसँगै भिसा प्रकृयाको आउट सोर्सिङको काम मलेसिया भिएलयन नेपाल प्रालिलाई दिएको थियो । त्यस्तै दुतावासले भिसा लगाउनुपूर्व राहदानी संकलन गर्ने जिम्मा यसअघि फोसा नामक संस्थालाई दिएकोक थियो । सो वेला विवाद भइपछि फोसा पछि हटेको थियो । अहिले सोही फोसाको कार्यालय भिएलएनले खरिद गरेर काम सुरु गर्न लागेको हो ।
नेपाल सरकारलाइए कुनै जानकारी नै नदिई एकैपटक चर्को शुल्क वृद्धि गरेको भन्द २ वर्षअघि भिएलएन नेपालको विषयमा व्यापक विरोध भएको थियो । आजको नयाँ पत्रिका दैनिकबाट ।
प्रकाशितः २०७३ भदौ २३
वि.सं.२०७३ भदौ २३ बिहीवार १०:४५ मा प्रकाशित