काठमाडौं । नेपालभर संचालन हुने आयोजनाका लागि भन्दै सहरी विकास तथा भवन निर्माण विभागले ६ सय जनाको आवेदन माग गरेको छ । सहरी विकास तथा भवन निर्माण विभागले ईन्जिनियर, सब–ईन्जिनयर र असिस्टेन्ट सब–ईन्जिनियर गरि ६ सय जनाका लागि जागीर खोलेको हो । विभागले शनिबार सूचना प्रकाशित गरेर जागिर खुलेको जनाएको हो।
विभागले करारमा ईन्जिनियर, सब–ईन्जिनयर र असिस्टेन्ट सब–ईन्जिनियर गरेर कुल ५८४ जना भर्ना गर्ने जनाएको छ।
करारमा जागिर खानुपर्ने भएपनि यी तीन वटै पदमा लिखित तथा अन्तवार्ता अर्थात मौखिक दुबै परीक्षा दिनुपर्नेछ। चालु आर्थिक वर्षमा सञ्चालन हुने परियोजनाका लागि करारमा ईन्जिनियर, सब–ईन्जिनियर र असिस्टेन्ट सब–ईन्जिनियर भर्ना गर्न लागेको विभागले जनाएको छ।
जागिरका लागि १५ दिन भित्र आवेदन दिनु पर्नेछ।
विभागले ईन्जिनियर २१६ जना, सब–ईन्जिनियर २५८ जना र असिस्टेन्ट सब–ईन्जिनियर ११० जना मागेको हो।
सरकारले लिने परिक्षाको मिति पछि विभागको वेभसाईट डब्लु डब्लु डब्लु डट डियुडिबीसी डट जिओभी डट एनपी मा हेर्न सकिने प्रकाशित सूचनामा उल्लेख छ ।
वि.सं.२०७३ भदौ २५ शनिवार १४:११ मा प्रकाशित
