काठमाण्डौं । लक्ष्मी लघुवित्त वित्तीय संस्थाले असोज १४ गतेबाट हकप्रद सेयर निष्काशन गर्ने भएको छ । कम्पनीले आइतबार सार्वजनिक सुचना जारी गर्दै १०० रुपैयाँ अंकित दरका ११ लाख कित्ता हकप्रद सेयर जारी गर्ने जनाएको हो ।
कम्पनीले एक बराबर एकको अनुपातमा हकप्रद जारी गर्न लागेको हो । जसअनुसार, लक्ष्मी लघुवित्तको एक कित्ता सेयर हुनेले एक कित्ता हकप्रद पाउनेछ । उक्त हकप्रद कात्तिक १८ गतेसम्म मात्र भर्न पाइन्छ ।
कम्पनीको चुक्ता पुँजी ११ करोड रुपैयाँ छ । सेयर जारीपछि पुँजी २२ करोड रुपैयाँ पुग्ने छ । कम्पनीको सेयर निस्कासन तथा बिक्री प्रबन्धकमा एमएमबी क्यापिटल लिमिटेड रहेको छ ।
प्रकाशितः २०७३ भदौ २६
वि.सं.२०७३ भदौ २६ आइतवार १४:०३ मा प्रकाशित