काठमाण्डौं । लगानीकर्ताले खरिद गर्न छुटेको १ लाख ६८ हजार ५ सय ३१ कित्ता हकप्रद सेयर सानिमा बैंकले लिलाम बिक्रीमा राखेको छ।
असोज ९ गतेदेखि १६ गतेसम्म इच्छुकले आफूले लिन चाहेको मूल्य तोकेर बोलपत्र पेश गर्न सक्ने छन्।
सानिमा क्यापिटल लिमिटेडको नाममा सानिमा बैंकको खाता नं.००१०००१२६९२०२ मा आवेदकले रकम संकलन गरी सोको सक्कल भौचर, नागरिकताको फाटोकपी र भरेको फारम संलग्न गराई आवेदन दिन सक्ने छन्।
आवेदकको अनिवार्य डिम्याट खाता भने हुनुपर्ने छ। बढी मूल्य दिएकालाई सेयर बिक्री हुनेछ। असोज १७ गते बोलपत्र खोली बाँडफाँड हुने सानिमा क्यापिटलले जनाएको छ।
प्रकाशितः २०७३ भदौ २६
वि.सं.२०७३ भदौ २६ आइतवार १४:३० मा प्रकाशित
