back
mega bank Ad
Hero Ad

टानमा ११ महिना : के गरियो के गरिएन !

हाम्रो कार्यकालको ११ महिनामा पुरानो अस्तव्यस्तता भएको अवस्थालाई गतिशिल पार्ने काम गर्दैछौं । व्यवसायीहरुमा नयाँ संचार र नयाँ उर्वरता थप्दै छौं । त्यो भनेको सचिवालय व्यवस्थित गर्ने काम भईरहेको छ । उपयुक्त बिधि र बिधानलाई मानेर सिईओ नियुक्ति गरेका छौं । त्यहाँ भएका कर्मचारीका तालिम प्रदान गर्ने, कर्मचारीका अन्तरद्वन्द कम गर्ने काममा हामी अगाडि बढेका छौं । त्यसको नतिजा त केहि समय पछि मात्र देख्न सकिन्छ । हामीले कार्यकाल सम्हालेपछि सिइओले सूचना समेत नदिएर टानलाई गतिबिहिन गर्ने काम भएपछि नयाँ सिईओ ल्याएका हौं । पहिले लेखाको पारदर्शिता थिएन । अहिले चार्टर एकाउन्टेन्ट ल्याएका छौंं । कर्मचारी नियमावलीलाई व्यवस्थित गराउने काम गरेका छौं । सचिवालय एक्काइसौं शताब्दी अनुरुप प्रबिधिमैत्री बनाएका छौं । अहिले काम गर्ने राम्रो वातावरण निर्माण भएको छ । हिजो कतिपय साथीहरुले जान्नु भएन होला भ्याउनुभएन होला ! ती आधारमा पनि काम भएनन् । अब अहिले परिस्थिति सुहाउँदो सचिवालय व्यवस्थित गर्दैछौं । यो नै ११ महिनाको ठूलो उपलब्धि हो । यसले बर्षाैं वर्ष व्यवस्थित बनाएर कामलाई अगाडि बढाएर लैजानेछ भन्ने विश्वास लिएका छौं । अहिले बनाएका बिधी र प्रक्रिया तुरुन्त नष्ट भएर जाने कुरा होईन । चाहे त्यो सिईओ छनौटका बिधिका कुरा, कर्मचारी सक्षम र क्षमतावान राख्ने कुरा गरौं । सचिवालयलाई चुस्त, दुरुस्त पारदर्शी गर्ने कुरा भएका छन् ।

पर्यटनका एजेण्डा एक, दुई, तीन भनेर नै कार्यान्वयनमा…

हामी फरक–फरक विचार समूह भएकाहरु चुनावी प्रतिबद्धता लिएर व्यवसायीमाझ गएका थियौं । ती दुवै पक्षका प्रतिबद्धता पर्यटन क्षेत्रकै माग हो, ट्रेकिङ व्यवसायकै माग हो भनेर सुत्रीकृत गर्यौं । दुवै पक्षका मागहरु ट्रेकिङ व्यवसायलाई कसरी उन्नतीतिर लैजान सकिन्छ भन्ने माग नै हुन् । विना पूर्वाग्रह हामीले पहिलो कार्यसमिति बैठकबाट दुवै पक्षका मागलाई सुत्रीकृत गरी अगाडि बढेका छौं । दुईवटै प्रतिस्पर्धी समूहको मागलाई सुत्रबद्ध गरेर अगाडि बढाउने हाम्रो कार्यसमिति नै पहिलो हो । यसअघिका कार्यसमितिले यसो गरेको थिएन । त्यस्तै पर्यटनका एजेन्डाहरुलाई सुत्रबद्ध ढंगले एक, दुई, तीन भनेर अगाडि बढाएका छौं । मन्त्रालयबाट एक, दुई, तीन भनेर नै कार्यान्वयनमा अगाडि बढेका छन् ।

३७ वर्षपछिको ऐतिहासिक काम…

संस्थापक कार्यकालदेखि पूर्व कार्यसमितिका सदस्यहरुसँग अन्तक्रिया गर्नुका साथै उहाँहरुका सुझावहरु संकलन गर्ने कार्य गर्यौं । संस्थापक अध्यक्ष सहित पूर्व अध्यक्षहरुले यो अहिलेसम्मको ऐतिहासिक काम भयो भन्नुभएको छ । ३७ वर्षपछि पूर्व अध्यक्षहरु सँग अन्तक्रिया गरेर मायाको चिनो दिएर उहाँहरुलाई पनि यही कार्यसमिति भित्रका सदस्य रहेछौं भन्ने बनाएका छौं ।

बैठकको माइन्यूट सबै व्यवसायी कहाँ पुग्छ

पारदर्शी ढंगले बैठकका माइन्युट, आर्थिक पारदर्शीताका कुराहरु भएका छन् । बैठक बस्दा बस्दै बैठकका माइन्यूट र आर्थिक विषयहरुलाई सदस्य कम्पनीहरुमा पुर्याउने काम भएको छ । हिजोका दिनमा साधारण सभा गर्ने होहल्ला गर्ने एकछिनपछि डिनरमा लाग्ने काम गरिन्थ्यो । त्यो मुख्य कोर्समा नलाग्ने र ताली बजाएर जाने स्थिति थियो भने अहिले हामीले प्रत्येक घटनाको विषयलाई माइन्युटमा उतारेर ति निर्णयहरु व्यवसायी कहाँ इमेल, अनलाईनबाट पठाउने नयाँ र व्यवहारिक काम गरेका छौं । १८ सय सदस्यमध्ये नविकरण गराउने करिब १३ सय व्यवसायी कहाँ यी विषयहरु पुग्छन् । सबैको इमेल, टेलिफोनहरुलाई पनि व्यवस्थित पारेर यी सूचनाहरु प्रवाह गरेका छौं ।

एकद्वार प्रणालीमार्फत पर्यटन

अहिले ʽनो ट्रेकिङ उदआउट पोर्टरʼको जुन एजेण्डा थियो त्यो पुरा हुने चरणमा छ । त्यस्तै पोर्टर सेल्टरको कुरा अगाडि बढिरहेको छ । बजेट, नीति तथा कार्यक्रममा पनि आएको एकद्वार प्रणालीमार्फत पर्यटनका गतिबिधिहरु अगाडि बढाउने कुराहरु भएका छन् । पर्यटन क्षेत्रमा गृह, वन मन्त्रालय लगायत दुनियाँ झमेला थियो । यो सम्बन्धित क्षेत्रको काम सम्बन्धित मन्त्रालयले मात्र गर्ने गरी अगाडि बढाउने भनिएको छ । त्यो नियमावली कानुन बनाएर लागु हुन्छ या हुँदैन । त्यो भोलिका कुरा हो । त्यसमा पनि लागु गराउन प्रयत्न गर्छाैं र त्यो अगाडि बढिरहेका छ ।

पूर्ण कार्यकालमा नमूना कार्य गर्छाैं

मजदुरका सामाजिक सुरक्षाका विषयलाई पनि व्यवस्थित गरेर जानुपर्छ भनेर हिजो भन्दा पारदर्शी र नयाँ काम काम गरिन्छ । पूर्ण कार्यकालमा नमूना कार्य र विगतका कार्यसमिति भन्दा एक स्तर माथि रहेर पारदर्शी काम गरेको भन्ने मेरो दाबी छ ।

प्रकाशित मितिः २०७३ भदौ २७

वि.सं.२०७३ भदौ २७ सोमवार ११:०५ मा प्रकाशित

You can share this post!

आन्तरिक पर्यटकको रोजाइमा डोल्पा, साउनयता मात्रै २५ सय पुगे

आन्तरिक पर्यटकको रोजाइमा डोल्पा, साउनयता मात्रै २५ सय पुगे

वि.सं.२०७९ कात्तिक २८ सोमवार १४:०२

सुर्खेत । डोल्पा आन्तरिक पर्यटकको रोजाइमा पर्न थालेको छ ।...

दश महिनामा पौने पाँच लाख पर्यटक नेपाल भित्रिए, कुन महिनामा कति ?

दश महिनामा पौने पाँच लाख पर्यटक नेपाल भित्रिए, कुन महिनामा कति ?

वि.सं.२०७९ कात्तिक १८ शुक्रवार १६:३०

काठमाडौं । कोरोना महामारीका बाबजुद सन् २०२२ सुरु भएपछिको १०...

नाट्टाको एअरलाइन्स टिकेटिङ्ग, टुर प्रोडक्ट डेभलपमेन्ट र कस्टोमर केयर तालिम सञ्चालन

नाट्टाको एअरलाइन्स टिकेटिङ्ग, टुर प्रोडक्ट डेभलपमेन्ट र कस्टोमर केयर तालिम सञ्चालन

वि.सं.२०७९ कात्तिक १७ बिहीवार १३:३४

काठमाडौं । पर्यटन व्यवसाय विकास र विस्तारका लागि आवश्यक सिपयुक्त...

घलेगाउँको आकर्षण र पहिचान बन्दै रातो जस्ताले रंगिएका घर

घलेगाउँको आकर्षण र पहिचान बन्दै रातो जस्ताले रंगिएका घर

वि.सं.२०७९ असोज ३१ सोमवार १४:०६

लमजुङ । सुखी गाउँ स्मार्ट भिलेज घलेगाउँको मुहार फेरिएको छ...

अन्नपूर्ण पदमार्गबाट एक सातामा फर्किए पाँच सय ८१ पर्यटक

अन्नपूर्ण पदमार्गबाट एक सातामा फर्किए पाँच सय ८१ पर्यटक

वि.सं.२०७९ असोज २७ बिहीवार १६:४४

लमजुङ । चक्रीय अन्नपूर्ण पदमार्गको मनाङ खण्डमा परेको हिमपात र...

पर्यटकीय गन्तव्य काउलेपानी

पर्यटकीय गन्तव्य काउलेपानी

वि.सं.२०७९ असोज २३ आइतवार ०७:०५

लमजुङ । नेपालकै उत्कृष्ट होमस्टे गन्तव्यको पहिचान बनाएको लमजुङ जिल्लाको...