back
mega bank Ad
Hero Ad

किन फन्डामेन्टल वा टेक्निकल एनालाइसिसबाट सेयरको मुल्य घटबढ हुन्छ भन्न सकिदैन ?

ramu khanal कम्पनीहरुको आधारभूत वित्तीय तथ्यांकहरुको बिश्लेषण गरि भविष्यमा कुनै पनि कम्पनीको सेयर मुल्य बढ्न सक्छ वा घट्न सक्छ भन्ने पूर्वानुमान लगाउने तरिका वा विधिलाई आधारभूत बिश्लेषण ( Fundamental Analysis ) भनिन्छ । यस विधिमा अन्य कुराहरुको अलावा मूलतः कम्पनीहरुले प्रकाशित गर्ने वित्तीय विवरणहरुको आधारमा प्रति सेयर आम्दानी , मुल्य आम्दानि अनुपात , प्रति सेयर कुल सम्पति मुल्य , प्रति शेयर नेटवर्थ , तरलता अनुपात , पुजी कोष अनुपात लगायतका आधारमा बिश्लेषण गर्ने गरिन्छ । यस आधारभूत बिश्लेषण ( Fundamental Analysis ) बिधि बाट बिश्लेषण गरेर पनि फलानो कम्पनिको मुल्य भविष्यमा ठ्याक्कै यति नै हुन्छ भन्ने कुरा भन्न सकिदैन किनकि यसको लागि बजारमा धेरै कुराहरुले प्रभाब पारेको हुन्छ । यसै कारण लगभग लगभग उस्तै उस्तै वित्तीय विवरण भएका कम्पनीहरुको बजार मुल्य पनि फरक फरक हुन्छ ।

Fundamental Analysis गरेर लगानी गरेको भए वा मिल्ने भए उस्तै उस्तै वित्तीय विवरण भएका कम्पनीहरुको मुल्य पनि बजारमा उस्तै उस्तै हुनु पर्ने । यस्तो हुनुको प्रमुख कारण भनेको लगानीकर्ताहरुको मनोवैज्ञानिक प्रभाव हो । लगानीकर्ताहरु जुन Index वा जुन कम्पनीको शेयर तिर बढि आकर्षित हुन्छन् त्यस्ता कम्पनीहरुको मुल्य स्वत बढ्छ र जुन Index वा कम्पनी तिर लगानीकर्ताहरुको कम झुकाव हुन्छ त्यस्ता कम्पनीहरुको मुल्य कम हुन्छ ।

यस बिधिबाट कम्पनी कति सबल छ वा कति दुर्बल छ भन्ने कुरा बिश्लेषण गर्न सकिन्छ । कम्पनीहरुको तुलनात्मक अध्यन गर्न सकिन्छ । तर यसको मुल्य भविष्यमा यति नै हुन्छ भनेर ठोकुवा गर्न सकिदैन । सेयरको मुल्यको घटबढको लागि नीति नियममा हुन सक्ने परिबर्तन , कम्पनीले प्रदान गर्न सक्ने लाभाश , कम्पनीको सस्थागत शुसासन , लगानीकर्ताको मनोवैज्ञानिक प्रभाब लगायत बिबिध कुराहरुले प्रभाव पार्ने गर्ने गर्छ ।

बजारमा आज के भएको छ वा बिगतमा के भएको थियो त्यसको आधारमा भविष्यमा के होला भनि बजारको गतिविधिको आधारमा बिश्लेषण गरि पूर्वानुमान गर्ने बिधि वा तरिकालाइ प्राबिधिक बिश्लेषण ( Technical Analysis ) भनिन्छ । यस विधिमा मूलतः बिगतको बजारको शेयर खरिद बिक्रीको Trend हेर्ने गरिन्छ । त्यसको आधारमा बिश्लेषण गरि बजार के होला वा सेयरको मुल्य के होला भनि पूर्वानुमान गर्ने गरिन्छ । यस विधिमा बिभिन्न Tools हरुको प्रयोग गर्ने गरिन्छ । जस्तो Simple Moving Average (SMA), Candle Stick Analysis , Chart Analysis , Relative Strength Index ( RSI ), Moving Average convergence Divergence ( MACD) लगायत धेरै Tools हरुको प्रयोग गरि पूर्वानुमान गर्ने गरिन्छ ।

Technical Analysis बाट पूर्वानुमान गर्दा आज किनेको वा बिक्रि गरेको Trend भोलि नहुन पनि सक्छ अत पूर्वानुमान ठ्याक्कै मिल्दैन । Technical Analysis बाट बिगतमा यस्तो थियो वा आज यस्तो छ भोलि यस्तो होला भनेर केवल पूर्वानुमान मात्र गर्न सकिन्छ तर ठ्याक्कै यति नै हुन्छ भनेर ठोकुवा गर्न सकिदैन ।

अत: यो संसारमा कसैले पनि सेयरको मुल्य यतिले नै बढ्छ वा घट्छ भनेर भन्न सक्दैन । सबैले बिबिध आयामहरुको विश्लेषण गरि यसो हुन सक्ला भन्ने अनुमान मात्र गर्ने हो । यदि कसैले  यतिले नै बढ्छ वा घट्छ भन्ने जान्ने भए सायद संसारको धनी मान्छे त्यो व्यक्ति नै हुने थियो होला । Fundamental Analysis होस वा Technical Analysis होस जताबाट हेरि पनि केवल अनुमान मात्र गर्ने हो । यस्तो अनुमानहरु कहिले मिल्न पनि सक्छन् कहिले नमिल्न पनि सक्छन् । अत : Fundamental Analysis वा Technical Analysis बाट पनि सेयरको मुल्य ठ्याक्कै यतिले नै घटबढ हुन्छ भनेर भन्न सकिदैन ।

प्रकाशितः २०७३ भदौ २७

वि.सं.२०७३ भदौ २७ सोमवार १६:१२ मा प्रकाशित

You can share this post!

पाकिस्तानको जस्तो जलवायु नरसंहार कहिल्यै देखेको थिइन-महासचिव गुटेर्रेस

पाकिस्तानको जस्तो जलवायु नरसंहार कहिल्यै देखेको थिइन-महासचिव गुटेर्रेस

वि.सं.२०७९ भदौ २६ आइतवार ०९:०३

काठमाडौ, २६ भदौसंयुक्त राष्ट्र संघका महासचिव एन्टोनियो गुटेर्रेसले बाढीग्रस्त पाकिस्तानको...

मेश थापा र आशा लामाको दशैँ गीत ‘आउन पाईन सम्झेर नरुनु’ सार्वजनिक

मेश थापा र आशा लामाको दशैँ गीत ‘आउन पाईन सम्झेर नरुनु’ सार्वजनिक

वि.सं.२०७९ भदौ २४ शुक्रवार १६:११

काठमाडौं, २४ भदौ । गायक रमेश थापा र गायिका आशा...

ब्याजदरमा भद्र सहमति, अभद्र व्यवहार किन ? आफ्नो प्रश्न आफै अनुत्तरित !

ब्याजदरमा भद्र सहमति, अभद्र व्यवहार किन ? आफ्नो प्रश्न आफै अनुत्तरित !

वि.सं.२०७९ भदौ १६ बिहीवार ०७:५१

मनोज ज्ञवाली बैकिङ्गको निक्षेप रकममा अपेक्षित सुधार भएको छैन। गत...

‘नयाँ ट्याक्सीको दर्ता खोल्दा एकाधिकार तोडिन्छ, जनता ठगिने काम पनि रोकिन्छ’

‘नयाँ ट्याक्सीको दर्ता खोल्दा एकाधिकार तोडिन्छ, जनता ठगिने काम पनि रोकिन्छ’

वि.सं.२०७८ चैत २१ सोमवार ०८:३२

अनुषा थापा,  कसैलाई अस्पताल जानपप्यो वा कोही हतारोमा छ भने...

‘अब हरेक नागरिकले राज्यलाई कर तिर्न सुरु गरौं, विकासका लागि विदेशी ऋणको आवश्यकता पर्दैन’

‘अब हरेक नागरिकले राज्यलाई कर तिर्न सुरु गरौं, विकासका लागि विदेशी ऋणको आवश्यकता पर्दैन’

वि.सं.२०७८ चैत १७ बिहीवार १२:२३

अनुषा थापा, नेपाल सरकारले विदेशी राष्ट्रसंग लिएको ऋण बढ्दो छ...

‘राज्यले नेपाली विद्यार्थी बाहिर नपठाउने हो भने अर्थतन्त्रमा सुधार हुन्छ’

‘राज्यले नेपाली विद्यार्थी बाहिर नपठाउने हो भने अर्थतन्त्रमा सुधार हुन्छ’

वि.सं.२०७८ चैत १४ सोमवार १३:१७

अनुसा थापा, भक्तपुर पछिल्लो समय धेरैजसोको आकर्षित मुलुक अमेरिका र...