back
mega bank Ad
Hero Ad

ठमेल पर्यटन परिषदमा अध्यक्ष टिकिरहने लोभले निटमा बिलय भएको नाटक गरियो !

पर्यटनमा तत्कालै आफुमात्र फाईला लिउँ र लुटुँ भन्ने छ

अहिले जतिपनि देखिएका संघसंस्थाहरु सबै बिधी बिधानमा आफ्नो उद्देश्यअनुरुप चलेका छन् । कसैले तत्कालिनरुपमा आफुमात्र फाईदा लिउँ र लुटुँ भन्ने पनि छ । हामीले देशभर छरिएर रहेका पर्यटन व्यवसायीका समस्याको समाधान गर्ने गर्दछौं । काम गर्ने जाँगर भएकालाई समेटेर काँग्रेस निकट नेपाल लोकतान्त्रिक पर्यटन व्यवसायी संघलाई सोहि अनुरुप अगाडि बढाईरहेका छौं । यो नेपाली काँग्रेसको शुभेच्छुक संगठन हो ।

सिडियोमा दर्ता भएको निट नेपाललार्ई काँग्रेस पार्टीको संस्था भन्न मिल्दैन

निट नेपाल जुन संस्था सिडियोमार्फत दर्ता भएर आएको छ । त्यसलाई काँग्रेस पार्टीको संस्था भन्न मिल्दैन । पार्टीले सोचेको कुरालाई लिएर काँग्रेसको संस्था खोल्ने पनि आफ्नै बिधान छ । हामीले सामाजिक संस्थाजस्तो सिडियोमा जाने अडिट गर्ने गर्नुपर्दैन । हामी पार्टीसँग सम्बन्धित हुन्छौं । हामी अहिले फुटेको पनि छैनौं, एक भएको पनि छैनौं । नेपाल लोकतान्त्रिक पर्यटन व्यवसायी संघ पार्टीका विभाग प्रमुख किशोरसिंह राठोरको सभापतित्वमा, तत्कालिन बरिष्ठ नेता र वर्तमान नेपाली काँग्रेसका सभापति शेरबहादुर देउवाको प्रमुख आतिथ्यमा काँग्रेसको भातृसंगठनको रुपमा काम गर्न बनाएको संगठन हो ।

यो संस्था कुनै एनजिओ आईएनजिओ क्लबसँग मिल्न जाँदैन । कोहि साथीहरु यहाँ आएर काम गर्नुभयो होला । कोहि साथीहरु उता गएर काम गर्नु भयो होला । त्यो फरक कुरा रह्यो । तर यो संस्था बिलय भयो, अरुसँग मिल्यो भन्ने कुरा हुँदै होईन ।

हामी काँग्रेसको संस्था, उहाँहरु डेमोक्र्याट…

अहिले मिल्यो भनेर बजारमा जुन भनिएको छ , त्यो पदलोलुपता र पदको आशक्ति राख्ने मानिसहरुले नाटक मञ्चन गरेर मिल्यो, बिलय भयो भनेर खादा, माला लगाए र हात ठड्याएका होलान् । त्यो डेमोक्र्याट इतरको संस्था हो । डेमोक्र्याट इतरको संस्थामा काँग्रेस पनि हुन्छन्, एमाले पनि हुन्छन्, माओवादी पनि हुन्छन्, राप्रपा पनि हुन्छन् । यो हाम्रो लोकतान्त्रिक भनेको काँग्रेस इतरको संस्था हो । उहाँहरुको एक जीवित संस्थाले भेला, सम्मेलन, हात उठाउनु, पर्चाबाजी गर्नु सामान्य कुरा हो । तालिका अनुसार कार्यक्रम गरियो होला । त्यो नौलो कुरा होईन । यदि मलाई पनि निम्तो गरिएको भए म पनि त्यसको दर्शक, श्रोता हुन्थें होला ।

निट नेपाल इभेन्ट म्याजेजमेन्ट गरेर सबैलाई रक्सी जाँडमा डुबाउने संस्था…

अहिले एक/दुईजना व्यक्ति उता गयो भन्दैमा केहि फरक पर्दैन । मानिसको नेचरमा भर पर्छ । पदमा रहिरहने र पदबाट फाईदा लिने व्यक्तिहरु हट्न सक्छन् । हामी त देशभरीको पर्यटन व्यवसायीलाई संगठीत गर्ने, उहाँहरुको समस्याको समधान गर्ने, पर्यटनको प्रचार प्रसार र प्रबद्र्धन गर्दै यसको विकासमा अगाडि बढ्ने हो । तर निट नेपाल इभेन्ट म्यानेजमेन्ट गर्ने संगठन हो । एउटा टानको अध्यक्ष लड्नलाई २५ लाख उठाउने, महासचिव हुनलाई १५ लाख उठाउने गरेको छ । इभेन्ट म्यानेजमेन्ट गरेर पाँचतारे होटलमा पार्टी दिने सबै साथीहरुलाई रक्सी, जाँडमा डुबाउने त्यो खालको सामाजिक संस्था हो ।

तपाईलाई नबोलाएर नजानुभएको र यी सब कुरा गर्नुभएको हो कि, भन्ने हाम्रो प्रश्नमा ?

कसैले दुध भात खान्छ भने कसैले मासु भात खान्छ । मानिसको प्रकृति, स्वभाव फरक हुन्छ । अध्यक्षलाई त्यहि ठिक लाग्यो उहाँ जानुभयो, त्यहाँ फाईदा देखेर जानुभयो । हामी बिलाउन जाने थिएनौं । कार्यक्रममा बोलाएको भए प्रतिनिधि भएर सहभागी हुन सकिन्थ्यो ।

ठमेल पर्यटन विकास परिषद्मा २ कार्यकाल उहाँ अध्यक्ष भइसक्नुभयो । अधिबेसन नजिकै आईसक्यो । उहाँ आफैं बिधान संसोधन गरेर फेरी अर्काे कार्यकाल थप्दै हुनुहुन्छ । त्यसमा निट भन्ने संगठनले आफ्नो उम्मेदवारी दिनेछ । त्यो निटको उम्मेदवार आफैं बन्नका लागि पनि उहाँ गएको भन्ने बुझिन्छ । उहाँहरुलाई तत्कालिन क्षणमा आफु लाभको पदमा पुग्न यसरी मिलेको हुनसक्छ । हामीलाई पार्टीमा बसेर धेरै स्वार्थ लिनु छैन । काँग्रेसको मातहतमा बसेर काम गर्नुछ ।

३५ जनाको कार्यसमितिमा ३२ जना हामीसँग…

३५ जना कार्यसमितिमा उहाँहरु ३ जना जानुभएको छ, अरु ३२ जना हामी यहिँ छौं । जो छोडेर गए उहाँहरुलाई हामीले कारबाही गरेका छौं । वास्तवमा कुनै छलफल नभई उहाँहरु जानुभएको छ । निट नेपाल परिमार्जन भएर आउँछ र काँग्रेसको बिधी बिधानमा बसेर काम गर्छ भने एक बनाएर जान सकिन्छ भन्ने कुराकानी चाँहि भएको थियो । केहि छलफल नै नगरी मिल्नुपर्छ भन्ने नाममा जानेहरु गएका हुन् । उहाँहरु कारबाहीमा परिसक्नुभयो ।

पार्टी कुनैपनि एनजिओ सँग मिल्न जाँदैन

निट भन्ने संगठन सिडिओ कार्यालयमा दर्ता भएको सामाजिक संस्था अर्थात् एनजिओ हो । जसले डेमोक्र्याटको लागि काम गर्छ । नेपाल लोकतान्त्रिक पर्यटन व्यवसायी संघ स्वच्छ काँग्रेसको सुभेच्छुक संगठन हो । आएको ठाउँ पनि फरक छ, उदेश्य पनि फरक छ । मिल्ने ठाउँ त छँदै छैन । हामी नेपाली काँग्रेसको विभाग अन्तर्गत आएर बनेको संगठन हो । यसले काँग्रेसको एजेण्डा बोकेर पर्यटनका काम गर्छ, उहाँहरु एक सामाजिक मुद्धाहरु बोकेर काम गर्नुहुन्छ ।
हामी मातृपार्टीबाट निर्देशित हुन्छौं । त्यसको बिधिबिधानबाट बाहिर जान सक्दैनौं । पर्यटन व्यवसायीका समस्या के–के छन् ? र कसरी अगाडि बढ्न सकिन्छ ? भनेर जिल्ला दौडाहमा छौं ।

RB adhikari kumarनिट नेपाल इभेन्ट म्यानेजमेन्ट गर्ने संगठन हो । एउटा टानको अध्यक्ष लड्नलाई २५ लाख उठाउने, महासचिव हुनलाई १५ लाख उठाउने गरेको छ । इभेन्ट म्यानेजमेन्ट गरेर पाँचतारे होटलमा पार्टी दिने सबै साथीहरुलाई रक्सी, जाँडमा डुबाउने त्यो खालको सामाजिक संस्था हो ।

नियम प्रक्रियाअन्तर्गत पार्टीको मान्यता पाउनेक्रममा…

हामीले पार्टीको मान्यता पाउनेक्रम जारी छ । हामी नेपाली काँग्रेसको पर्यटन विभागमार्फत २०७२ मंसिर १९ गते जन्मियौं । ९ महिना अगाडि मात्र जन्म भएकाले यसले नियम प्रक्रिया पुरा गरेर मान्यता पाउँछ । अहिले हामी संगठन विस्तारमा छौं ।

म फेरी भन्छु उहाँहरु जिल्ला प्रशासनमा सामाजिक काम गछौं भनेर आउनुभएको हो । निट नेपाललाई काँग्रेसले आधिकारिक संस्थाको रुपमा मान्यता दिएको छैन । सामाजिक संस्थालाई काँग्रेसले मान्यता दिने ठाउँ नै छैन ।

हामीहरु काँग्रेसको मुलबाट जन्मियौं उहाँहरु सिडियो कार्यालयको मुलबाट…

हाम्रो मुल नै फरक छ । हामीहरु काँग्रेसको मुलबाट जन्मेका छौं । उहाँहरु जिल्ला प्रशासन कार्यालयको मुलबाट जन्मिनुभएको छ । बाटो नै फरक छ । उदेश्य नै फरक छ । काँग्रेसलाई परेका बेला काँध थाप्छु भनेर सिडियो कार्यालयमा देखाउन मिल्दैन होला नि ! देशको कानुनको परिभाषामा सिडियोमा दर्ता भएको संस्थालाई के भन्नुहुन्छ ? यो सामाजिक संस्था हो ।

पर्यटनमा आफुलाई काँग्रेस भन्ने हो भने हाम्रोमा आएर सदस्यता लिनुस् !

उहाँहरुले आफुलाई काँग्रेसकै पर्यटन व्यवसायी भन्ने हो भने हाम्रो सदस्य बन्न सक्नुहुन्छ । काँग्रेस भन्ने हो भने संस्थागत सदस्य, काँग्रेसको बिधि बिधानमा रहेर आएर काम गर्नुपर्यो । नेपाली काँग्रेस लाईन्स क्लबसँग मिल्नै सक्दैन । मानिसहरुमा भ्रम फैलाईएको छ । आधिकारिकता खोज्ने हो भने उहाँहरु काँग्रेसी हुँदै होईन ।

ठमेलका गल्ली–गल्ली हिंड्ने मात्र पर्यटक होईनन्

पर्यटनले जिडीपीको करिब ४ प्रतिशत स्थान ओगट्छ । यसको योगदानअनुरुप सरकारले त्यहि खालको व्यवहार गर्नुपर्यो । काँग्रेसले पनि त्यहि खालको व्यवहार गर्नुपर्यो । ठमेलको गल्ली गल्ली हिंड्नेमात्र पर्यटक होईनन् नि ! सबैतिरका पर्यटन गतिबिधीलाई अगाडि बढाउने, प्रोत्साहन दिने लगायत विषयमा काँग्रेसले सम्बोधन गरोस् भन्ने चाहन्छौं । बिदेशी ठूला मिडीयामा विज्ञापन र प्रबद्र्धनका काम गरेर देशको प्रचारप्रसार गरोस् भन्ने चाहन्छौं ।
(कुराकानीमा आधारित)

प्रकाशित मितिः २०७३ भदौ २९

वि.सं.२०७३ भदौ २९ बुधवार ०९:२८ मा प्रकाशित

You can share this post!

आन्तरिक पर्यटकको रोजाइमा डोल्पा, साउनयता मात्रै २५ सय पुगे

आन्तरिक पर्यटकको रोजाइमा डोल्पा, साउनयता मात्रै २५ सय पुगे

वि.सं.२०७९ कात्तिक २८ सोमवार १४:०२

सुर्खेत । डोल्पा आन्तरिक पर्यटकको रोजाइमा पर्न थालेको छ ।...

दश महिनामा पौने पाँच लाख पर्यटक नेपाल भित्रिए, कुन महिनामा कति ?

दश महिनामा पौने पाँच लाख पर्यटक नेपाल भित्रिए, कुन महिनामा कति ?

वि.सं.२०७९ कात्तिक १८ शुक्रवार १६:३०

काठमाडौं । कोरोना महामारीका बाबजुद सन् २०२२ सुरु भएपछिको १०...

नाट्टाको एअरलाइन्स टिकेटिङ्ग, टुर प्रोडक्ट डेभलपमेन्ट र कस्टोमर केयर तालिम सञ्चालन

नाट्टाको एअरलाइन्स टिकेटिङ्ग, टुर प्रोडक्ट डेभलपमेन्ट र कस्टोमर केयर तालिम सञ्चालन

वि.सं.२०७९ कात्तिक १७ बिहीवार १३:३४

काठमाडौं । पर्यटन व्यवसाय विकास र विस्तारका लागि आवश्यक सिपयुक्त...

घलेगाउँको आकर्षण र पहिचान बन्दै रातो जस्ताले रंगिएका घर

घलेगाउँको आकर्षण र पहिचान बन्दै रातो जस्ताले रंगिएका घर

वि.सं.२०७९ असोज ३१ सोमवार १४:०६

लमजुङ । सुखी गाउँ स्मार्ट भिलेज घलेगाउँको मुहार फेरिएको छ...

अन्नपूर्ण पदमार्गबाट एक सातामा फर्किए पाँच सय ८१ पर्यटक

अन्नपूर्ण पदमार्गबाट एक सातामा फर्किए पाँच सय ८१ पर्यटक

वि.सं.२०७९ असोज २७ बिहीवार १६:४४

लमजुङ । चक्रीय अन्नपूर्ण पदमार्गको मनाङ खण्डमा परेको हिमपात र...

पर्यटकीय गन्तव्य काउलेपानी

पर्यटकीय गन्तव्य काउलेपानी

वि.सं.२०७९ असोज २३ आइतवार ०७:०५

लमजुङ । नेपालकै उत्कृष्ट होमस्टे गन्तव्यको पहिचान बनाएको लमजुङ जिल्लाको...