काठमाण्डौं । कृषि बिकास बैंकले ५० प्रतिशत हकप्रद जारी गर्ने भएको छ भने यही प्रयोजनका लागि असोज १० गते एक दिन सेयरधनी दर्ता किताब बन्द हुने जनाएको छ । यो सूचना अनुसार ५० प्रतिशत हकप्रदका लागि असोज ९ गतेसम्म यस कम्पनीको सेयर किनिसक्नुपर्ने छ ।
धितोपत्र बोर्डबाट आईतबार हकप्रद निश्काशनको स्वीकृति पाएपछि बैंकले सोही दिन संचालक समितिको बैठक राखी सेयरधनी दर्ता किताब बन्दको मिति तय गरेको हो । बैंकले हकप्रद बिक्री गर्ने दिन भने तोकिसकेको छैन ।
गत आर्थिक बर्षमा बैंकले दुई अर्ब ५७ करोड खुद नाफा गरी प्रति सेयर आम्दानी ५५ रुपैयाँ ६४ पैसा कायम भएको देखाएको छ । प्रति सेयर आम्दानी ५५ रुपैयाँ भन्दा माथि कायम गरेर बाणिज्य बैंकहरुमा सबैभन्दा बढी प्रति सेयर आम्दानी गर्ने मध्येमा तेस्रो भएको छ ।
३ असोज २०७३, ११।००
वि.सं.२०७३ असोज ३ सोमवार १२:२७ मा प्रकाशित