काठमाण्डौं । एनआईसी एशिया बैंकले एनआइसी एशिया डबल डिपोजिट योजना सार्वजनिक गरेको छ । यो योजना अन्तरर्गत निक्षेपमा जम्मा भएको रकम ब्याज आम्दानीले नै १२ बर्षमा दोब्बर हुने बैंकले जनाएको छ ।
यसमा एनआईसी एशिया बैंकको व्यक्तिगत ग्राहकले न्यूनत्म एक लाख रुपैयाँ देखि निक्षेप जम्मा गर्न सक्नेछन् । यस योजनाले ग्राहकलाई निक्षेपमा थपघट हुन सक्ने व्याज दर तथा व्याजको जोखिमले योजनालाई कुनै असर नपर्ने सुनिश्चितता प्रदान गर्ने बैंकको भनाई छ ।
साथै, बचत खाता सुविधा सहितको यो योजनाले तुरुन्तै बिना झन्झट आवश्यकता अनुसार ओभरड्राफट उपभोग गर्ने सुविधा प्रदान गर्नुका साथै शून्य मौज्दात, क्रेडिट कार्ड सुविधा, दुर्घटना मृत्यु बीमा, निःशुल्क डेबिट कार्ड, इन्टरनेट र एसएमएस बैकिङ सेवा समेत उपलब्ध हुने बैंकका कर्पोरेट कम्युनिकेशन एण्ड ब्राण्डिङ प्रमुख भानु दवाडीले जानकारी दिए ।
विभिन्न प्रकारका नवीनतम योजना र सेवाले हरेक उमेर समूह, लिङ र पेशालाई समेट्ने लक्ष्य रहेको बैंकले बताएको छ ।
प्रकाशितः २०७३ असोज ७
वि.सं.२०७३ असोज ७ शुक्रवार १३:१८ मा प्रकाशित