काठमाण्डौं । नविल इन्भेष्टमेन्ट बैंकिङ लिमिटेडले कर्मचारी माग गरेको छ । नविल बैंकद्धारा हालसालै सञ्चालित कम्पनीले एक जना कर्पोरेट सल्लाहकार र केही संख्यामा मर्चेन्ट बैंकिङ पदका लागि दरखास्त आह्वान गरेको हो ।
उक्त दुबै पदका लागि व्यवस्थापन तथा अर्थशास्त्रमा पहिलो श्रेणीमा स्नातक उतीर्ण गरेको अथवा सीए, एसीसीए अथवा सीएफए गरेको अथवा विजनेस एडमिनिस्ट्रेसनमा स्नातकोत्तर गरेको हुनुपर्नेछ । साथै, कम्तीम तीन वर्ष सम्बन्धित क्षेत्रमा काम गरेको हुनुपर्नेछ । नेपाली पुँजी बजार र यसको नियमनबारे जानकारी भएका र ४० वर्ष उमेर ननाघेका व्यक्तिले आवेदन दिन सक्नेछन् । यसका अलावा अंग्रजी र नेपाली भाषा लेखन र बोलीचालीमा पोख्त, माइक्रोसफ्ट एप्लिकेसनहरु चलाउन जान्ने र राम्रो कम्युनिकेसन क्षमता भएको हुनुपर्ने बताइएको छ ।
इच्छुक तथा योग्यता पुगेका उम्मेदवारले २८ सेप्टेम्बर अर्थात असोज १२ गतेभित्रमा कम्पनीमा सम्पर्क गरिसक्नुपर्नेछ ।
प्रकाशितः २०७३ असोज ८
वि.सं.२०७३ असोज ८ शनिवार १०:४६ मा प्रकाशित
