काठमाण्डौं । सरकारले मदिराको बिक्री वितरणमा कडाइ गरेको छ। आन्तरिक राजस्व विभागले राति १० बजेपछि मदिरा बिक्री गर्न नपाइने व्यवस्था गरेको हो। १८ वर्ष उमेर पुगेकाहरुलाई मात्र बिक्री गर्न पाइने गरी सरकारले कडाइ गरेको हो।
मदिरा बिहान १० बजेदेखि राति १० बजेसम्म मात्र खरीद बिक्री गर्न पाइनेछ। सरकारले मदिरासँगै सूर्तिजन्य वस्तु खरीद बिक्रीमा पनि कडाइ गरेको हो।
मदिरा तथा सूर्तिजन्य वस्तुबाहेक अन्य वस्तुहरु खरीद बिक्री गरेमा पहिलो पटक १० हजार र त्यसपछि हरेक पटकका लागि २० हजार रुपैयाँ जरिवाना हुनेछ।
१४ असोज २०७३, १।००
वि.सं.२०७३ असोज १३ बिहीवार १३:३९ मा प्रकाशित